"АЙМГИЙН 100 ЖИЛИЙН" ойн хүрээнд музейн сан хөмрөгт хадгалагдаж байгаа түүхэн гэрэл зургуудаас танилцуулж байна. Хуучны гэрэл зургууд эргүүлж үзэхэд сайхан ч хамгийн гол нь түүхийн нэгэн судлагдахуун, үнэт бүтээл болон үлддэг билээ. Тухайн үед амьдарч байсан хүмүүсийн аж амьдрал, хувцаслалт, эгэл амьдралыг гэрэл зураг мөнхлөн үлдээдэг. Түүхэн үйл явдал хийгээд хүмүүсийн хосгүй нэгэн агшинг гэрэл зурагт мөнхөлж чадсан бол түүхийн үнэт өв болон хадгалагдаж, үеэс үед үнэ цэнэтэй болдог.