Сургууль нь Боловсролын ерөнхий хууль, сургуулийн өмнөх болон ерөнхий боловсролын тухай хууль болон бусад холбогдох хууль тогтоомжийн хүрээнд дараах үндсэн чиг үүргийг хэрэгжүүлнэ. Үүнд:

 Бага, суурь, бүрэн дунд боловсрол эзэмшүүлэх сургалт зохион байгуулах

 Суралцагч бүрийн ялгаатай байдлыг хүндэтгэж, тэдний хөгжлийг дэмжсэн тэгш боломж олгох

 Суралцагчдын мэдлэг, чадварын түвшин, үнэлгээ, сургалтын үр дүнгийн талаар эцэг, эх, асран хамгаалагчдад ил тод мэдээлэх

 Хамран сургах тойргийн хүүхэд бүрийг боловсролд тэгш хамруулах, аюулгүй, хүртээмжтэй сургалтын орчин бүрдүүлэх

 Монголын түүх, хэл, соёл, зан заншил, эх оронч сэтгэлгээ, үндэсний өв уламжлалыг дээдэлсэн шударга иргэн төлөвшүүлэх

 Хамран сургах тойргийн хүүхэд бүрийг сургуульд бүрэн хамруулах, бүртгэх ажлыг зохион байгуулах, суралцагчийн хөгжил, төлөвшлийг дэмжих, сургалтын үйл ажиллагааны чанар, үр дүнг сайжруулах

 Суралцагчийн эрүүл мэндийг дэмжсэн, шим тэжээллэг, амин дэмээр баялаг хоол, хүнсний үйлчилгээ үзүүлэх

 Сургуулийн орчинд суралцагчийн хөгжих, оролцох, хамгаалуулах эрхийг хангах үйл ажиллагааг зохион байгуулах, эрсдэлд өртөхөөс урьдчилан сэргийлэх, тэдний эрүүл мэнд, аюулгүй байдлыг хангах

 хүүхдийн онцлог, ялгаатай хэрэгцээнээс үл шалтгаалан хүүхдэд боловсрол эзэмших нөхцөлийг бүрдүүлэх

 Суралцагчийн суралцах үйл ажиллагаа, хөгжил төлөвшлийг дэмжих, ажил мэргэжлийн чиг баримжаа олгоход чиглэсэн хичээлээс гадуурх сургалт, үйл ажиллагаа зохион байгуулах

 Суралцагчийн авьяасыг дэмжих нэмэлт сургалтын хөтөлбөрийг боловсруулан хэрэгжүүлэх