Монгол Улсын дотоод аюулгүй байдлыг хангах, эрх зүйт төрийг хөгжүүлэх, шударга ёсыг бэхжүүлэх үйлсэд тэргүүлэх оролцоо бүхий тусгайлсан чиг үүрэгтэй төрийн цэргийн байгууллага болон төлөвших.

Эд хөрөнгийн холбогдолтой шийдвэр бүрийн биелэлтийг хангах, үйлчлүүлэгч, хэрэглэгчдэд шуурхай үйлчлэхэд оршино.

Төрийн үйлчилгээний чанар, хүртээмжийг сайжруулах, шийдвэр гүйцэтгэх ажиллагааг боловсронгуй болгох, төрийн байгууллагуудын уялдаа холбоог сайжруулах ажлын хүрээнд Зам тээврийн яам, Улсын бүртгэлийн ерөнхий газар, Гаалийн ерөнхий газар, Нийгмийн даатгалын ерөнхий газар, Татварын ерөнхий газар, Газар зохион байгуулалт, геодези, зураг зүйн газар, Хил хамгаалах ерөнхий газар, Үнэт цаасны төвлөрсөн хадгаламжийн төв ХХК болон арилжааны Худалдаа хөгжлийн банк, Төрийн банк, Голомт, Хаан, Хөгжлийн банк, Чингис хаан, Капитрон, Хас, Тээвэр хөгжлийн банк, Ариг, Богд, Үндэсний хөрөнгө оруулалтын банкуудтай цахим хэлбэрээр мэдээлэл солилцон хамтран ажиллаж байна.

Мөн шүүхийн шийдвэрээр тогтоогдсон төлбөртэй эсэх тодорхойлолтыг мэдээлэл солилцооны цахим систем E-mongolia, төрийн үйлчилгээний цахим “ТҮЦ” машин мөн Төрийн худалдан авах ажиллагааны газрын “tender.gov.mn” цахим хаягаар тус тус олгож байна.

Тулгар төрийн 2225 жил, Их Монгол Улс байгуулагдсаны 810, Үндэсний эрх чөлөө, тусгаар тогтнолоо сэргээн мандуулсны 105, Ардын хувьсгалын 95 жил, Үндэсний их баяр наадам, Шүүхийн шийдвэр гүйцэтгэх байгууллагын 95 жилийн ойг тохиолдуулан Монгол Улсын хууль, тогтоомжийг хэрэгжүүлэх, төрийн нэрийн өмнөөс гаргасан шүүхийн шийдвэрийг гүйцэтгэх, хүний эрх, эрх чөлөөг хамгаалах, нийгэм, иргэдийн аюулгүй байдлыг хангах, бүтээн байгуулалтад оролцох үйлсэд хичээнгүйлэн зүтгэсэн үе, үеийн ажилтан, алба хаагчдын хичээл зүтгэлийг өндрөөр үнэлж, Монгол Улсын Ерөнхийлөгчийн 2016 оны 07 дугаар сарын 08-ны өдрийн 100 дугаар зарлигаар Шүүхийн шийдвэр гүйцэтгэх ерөнхий газрыг "Цэргийн гавьяаны улаан тугийн одон"-гоор шагнав.

Монгол Улсын Ерөнхийлөгчийн 2021 оны 10 дугаар сарын 29-ний өдрийн 76 дугаар зарлигаар Шүүхийн шийдвэр гүйцэтгэх байгууллагыг Төрийн дээд шагнал “Хөдөлмөрийн гавьяаны улаан тугийн одон”-оор шагнагдсан.