Орчны шинжилгээний үр дүнд суурилан Аж үйлдвэр, эрдэс баялгийн яам нь 2026-2029 онд дараах стратегийн зорилгуудыг дэвшүүлж байна. Үүнд:

-Геологи-хайгуулын ажлыг нэмэгдүүлж, ашигт малтмалын нөөц, баялгийн хэмжээг өсгөн олборлох салбарыг эрдсийн түүхий эдээр тогтвортой хангах;

-Уул уурхайн салбарын ДНБ-нд эзлэх хувийг 30 хүртэл хувьд хүргэж, эдийн засгийн өсөлтийг хангах;

-Газрын тосны бүтээгдэхүүний импортын хамаарлыг 50 хүртэл хувиар бууруулж, бүтээгдэхүүн хангамжийн тогтвортой байдлыг хангах;

-Боловсруулах үйлдвэрийн салбарын бодит өсөлтийг 2029 онд 5.9 хувьд хүргэж, ашигт малтмалын бүтээгдэхүүний үнэ цэнийг нэмэгдүүлэх;

-Аж үйлдвэр, эрдэс баялгийн салбарын хууль эрх зүйн орчныг сайжруулж, баялгийн засаглалын сайн туршлагыг нэвтрүүлэх;

-Аж үйлдвэр, эрдэс баялгийн салбарын хөрөнгө оруулалтын орчныг сайжруулж, уул уурхай, олборлолтын гадаадын шууд хөрөнгө оруулалтын нийт хөрөнгө оруулалтад эзлэх хэмжээг 70-аас дээш хувьд хадгалах;

-Аж үйлдвэр, эрдэс баялгийн салбарт өрсөлдөх чадвартай хүний нөөцийг бүрдүүлэх;

-Аж үйлдвэр, эрдэс баялгийн яамны үйл ажиллагааг цахимжуулах ажлыг эрчимжүүлж, төрийн үйлчилгээний чанар, хүртээмжийг нэмэгдүүлэх;

-Аж үйлдвэр, эрдэс баялгийн салбарын эрсдэлд суурилсан хяналт шалгалтын бодлогыг тодорхойлох, үйл ажиллагааны стратегийг боловсруулах, зорилго, зорилтуудыг хэрэгжүүлэх, салбарт хэрэгжиж байгаа төсөл, хөтөлбөр, арга хэмжээний хэрэгжилтэд хяналт тавьж чанар, аюулгүй байдлыг хангуулах

Тэргүүлэх чиглэл:

-Аж үйлдвэр, эрдэс баялгийн салбарын (аж үйлдвэр, геологи, уул уурхай, газрын тос, цөмийн энерги) хөгжлийн бодлого, стратегийг тодорхойлох, нэгдсэн төлөвлөлт, бодлогын удирдлагаар хангах, ногоон хөгжлийн үзэл баримтлалд нийцүүлэх замаар эрх зүйн орчныг боловсронгуй болгох, салбарын хууль тогтоомжийн төсөл, хөгжлийн бодлогын баримт бичиг, хөтөлбөрийн хувилбар, төсөл, төлөвлөгөө боловсруулах, салбарын хөрөнгө оруулалтын орчныг сайжруулах ажлыг зохион байгуулах, судалгаа, мэдээллээр хангах;

-Аж үйлдвэрийн салбарын бодлого, үйлдвэрлэл, технологийн паркийн эрх зүйн орчныг боловсронгуй болгох, дэвшилтэт, техник технологи, инновацыг нэвтрүүлэх, дамжуулах, эрдэс түүхий эд (зэсийн баяжмал, төмрийн баяжмал, нүүрсний баяжмал, жоншны баяжмал, алт цэвэршүүлэх, хоёрдогч түүхий эд)-ийг боловсруулах, хими, металл хийц, машин үйлдвэрлэлийг хөгжүүлэх;

-Геологийн салбарын бодлого, эрх зүйн орчныг боловсронгуй болгох, бодлогын хэрэгжилтийг хангуулах, геологийн судалгаа, ашигт малтмалын эрэл, хайгуулын ажлыг эрчимжүүлж, эрдэс баялгийн сан хөмрөгийг нэмэгдүүлэх ажлыг зохион байгуулах;

-Уул уурхайн салбарын бодлого, эрх зүйн орчныг боловсронгуй болгох, бодлогын хэрэгжилтийг хангуулах, ашигт малтмалын олборлолт, баяжуулалтын хэмжээг нэмэгдүүлэх, бүтээгдэхүүний нэр төрлийг олшруулан үр ашгийг дээшлүүлэх замаар улс орны эдийн засгийн чадавхыг бэхжүүлэх;

-Газрын тосны салбарын хууль, эрх зүйн орчныг боловсронгуй болгох, төсөл, хөтөлбөр хэрэгжүүлэх, газрын тос, уламжлалт бус газрын тосны эрэл, хайгуулын ажлыг эрчимжүүлэх, ашиглалт, олборлолт, экспортыг нэмэгдүүлэх, газрын тос боловсруулах үйлдвэрийг барьж байгуулах, газрын тосны бүтээгдэхүүний хангамж, нийлүүлэлтийн тогтвортой байдлыг хангах, салбарын техник технологи, барилга байгууламж, хөдөлмөрийн аюулгүй байдлын норм, дүрэм боловсруулах, газрын тосны салбарын зах зээл, тооцоо судалгаа боловсруулах, мэдээллийн сан бүрдүүлэх;

-Аж үйлдвэр, эрдэс баялгийн салбарын эдийн засаг, хөрөнгө оруулалтын бодлогыг тодорхойлох, салбарын хэмжээнд хөрөнгө оруулалтыг нэмэгдүүлэх, төсвийг үр ашигтайгаар төлөвлөх, зарцуулах, хэрэгжилтэд хяналт тавих;

-Салбарын хэмжээнд эрсдэлд суурилсан төрийн хяналт шалгалтыг хэрэгжүүлж, хууль тогтоомж, нийтээр дагаж мөрдөх хэм хэмжээ, стандартын хэрэгжилтийг хангуулах, иргэн, аж ахуйн нэгж, байгууллагын үйл ажиллагаанд илэрсэн зөрчил дутагдлыг арилгуулах, зөрчлийг таслан зогсоох, хариуцлага хүлээлгэх, эрсдэл, аюулаас урьдчилан сэргийлэх, хууль тогтоомж, бодлогын хэрэгжилтэд хяналт-шинжилгээ хийж, үр дүнд үнэлгээ өгөх, дотоод аудит хийх, эрсдэлийн удирдлагаар хангах.

Төрийн байгууллагууд

Аж үйлдвэр, эрдэс баялгийн яам

Аж үйлдвэр, эрдэс баялгийн яам

Цахим хэлэлцүүлэг

эдийн засаг

Аж үйлдвэр, эрдэс баялгийн сайдын 2027 оны төсвийн төслийн олон нийтийн хэлэлцүүлэг

Аж үйлдвэр, эрдэс баялгийн яам

Онцлох мэдээ

Сүүлийн мэдээнүүд

Цахим хэлэлцүүлэг

эдийн засаг

Аж үйлдвэр, эрдэс баялгийн сайдын 2027 оны төсвийн төслийн олон нийтийн хэлэлцүүлэг

Аж үйлдвэр, эрдэс баялгийн яам

Онцлох мэдээ

Сүүлийн мэдээнүүд