Булган аймгийн газрын харилцаа, барилга хот байгуулалтын газар
ЗОРИЛТ
Газрын харилцааны чиглэлээр бодлого , чиглэл, стратеги , баримт бичгийн төсөл боловсруулах, хууль тогтоомжийн хэрэгжилтийг зохион байгуулах Иргэд, олон нийтийн оролцоо, салбар хоорондын уялдааг хангасан, газар, байгалийн нөхцөл, нөөцийн мэдээлэлд суурилсан тогтвортой газар ашиглалтыг төлөвлөх, газар зохион байгуулалтын үйл ажиллагааг эрхлэх Газар, үл хөдлөх хөрөнгийг кадастрын хэмжилт, зураглал, хаягжилт, бүртгэлээр баталгаажуулах, байрлалд суурилсан мэдээллийн санг эрхлэх Газрын биржийн үйл ажиллагааг зохион байгуулах Газрын төлөв байдал, чанарын мониторингийн сүлжээг өргөжүүлэн, нэгдсэн дүгнэлт, зөвлөмж гаргаж, салбар дундын суурь судалгаа, мониторингийн мэдээллийн сан байгуулж, газар хамгаалах, нөхөн сэргээх, газрын доройтлыг бууруулах үйл ажиллагааг эрхлэх Орон зайн дэд бүтэц, геодезийн чиглэлээр бодлого чиглэл, стратеги , баримт бичгийн төсөл боловсруулах, хууль тогтоомж ийн хэрэгжилтийг зохион байгуулах Геодезийн бүх төрлийн сүлжээ, газрын зураг, сэдэвчилсэн тоон зураглалын тогтолцоог хөгжүүлж, газар зүйн нэрийн асуудал болон геодезийн хэмжил зүйн лабораторийн үйл ажиллагааг эрхлэх; Хууль эрх зүйн туслалцаа үзүүлэх, зөвлөгөө өгөх, хууль тогтоомжийг боловсронгуй болгох, хэрэгжилтийг хангуулах ажлыг зохион байгуулах; Салбарын хууль, тогтоомжийн хэрэгжилтийг хангуулах, иргэдийн эрүүл, аюулгүй орчинд амьдрах нөхцөлийг бүрдүүлэхэд чиглэсэн салбарын төрийн хяналт, шалгалтыг хэрэгжүүлэх; Санхүү, хөрөнгө оруулалт, төсвийн төлөвлөлтөд шинжилгээ хийх, хянан батлах, төсвийн үр ашгийг дээшлүүлэх, санхүүгийн удирдлагыг хэрэгжүүлэх .
Мэдээллийн эх сурвалж:
Захиргаа хуулийн асуудал хариуцсан ахлах мэргэжилтэн Т.Соёлбат.
Утас: 99359014
Монгол Улсын их бүтээн байгуулалт, хөгжил цэцэглэлтэд үнэтэй хувь нэмэр оруулан ажиллаж ирсэн салбарын нийт ажиллагсад, инженер техникийн ажилтнууд, үе үеийн ахмадууд, алдар гавьяатнууд, бүтээн байгуулагчид, үйлдвэрлэгчид та бүхэндээ энэ өдрийн амар мэндийг айлтган мэндчилье. Газрын удирдлагын хэлтэс 2003 онд газар байгаль орчны алба нэртэй үүсгэн байгуулагдаж байсан. Барилга хот байгуулалтын хэлтэс 2007 онд ЗДТГ -т “Хот байгуулалтын алба” нэртэй үүссэн. 2009 оны 2 дугаар сарын 4 -ний өдрийн №38 тоот захирамжаар газрын алба, хот байгуулалтын алба нэгдэж аймгийн ГХБХБГ байгуулагдсаж 2009 оноос өнөөг хүртэл аймгийн газар, барилгын салбарын бодлого шийдвэрийг хэрэгжүүлэн ажиллаж байна. Монгол Улсад хот төлөвлөлт, барилга, барилгын материал үйлдвэрлэл, газрын харилцааны чиглэлээр ажиллаж байсан үе үеийн ахмадууд, одоо оюун ухаан, хүч хөдөлмөрөө өргөж яваа салбарын нийт ажилчин албан хаагчиддаа цаашдын ажил хөдөлмөрт өндөр амжилт хүсэн ерөөе.
БУЛГАН АЙМГИЙН ГАЗРЫН ХАРИЛЦАА БАРИЛГА ХОТ БАЙГУУЛАЛТЫН ГАЗРЫН ДАРГА Ү.БЯМБАСҮРЭН
