ОХУ-ЫН ЭДИЙН ЗАСГИЙН ХӨГЖЛИЙН ЯАМНЫ ТӨЛӨӨЛӨГЧИДТЭЙ УУЛЗАЛТ ХИЙЛЭЭ
мэдээ•2026-11-19 12:10•0• Админ Алтанбулаг чөлөөт бүсийн Захирагч Ж.Өнөрбаяр Оросын Холбооны Улсын Эдийн засгийн хөгжлийн яамны Монгол дахь төлөөлөгч В.Ю. Юрченко болон тус байгууллагын эдийн засгийн аташше Б.В.Догдомэ нартай 2026 оны 11 дүгээр сарын 19-ний өдөр уулзалт хийлээ. Уулзалтаар Алтанбулаг чөлөөт бүсийн хөрөнгө оруулалтыг нэмэгдүүлэх, цаашдын хөгжлийн төлөвлөгөө, хөтөлбөрийн тухай санал солилцов. Түүнчлэн ОХУ-ын хөрөнгө оруулагчдыг чөлөөт бүсэд татан оролцуулах, Монгол улс болон Евразийн эдийн засгийн холбоо (ЕАЭЗХ), түүний гишүүн орнуудын хооронд байгуулсан түр худалдааны хэлэлцээрийн хүрээнд Монгол Улсын чөлөөт бүсийн хөрөнгө оруулагч нарын экспортын үйл ажиллагааг дэмжиж, энэ чиглэлээр хамтарсан арга хэмжээ хэрэгжүүлэх талаар хоёр тал ярилцаж, ойрын хугацаанд дахин үр дүнтэй уулзалт хийх талаар тохиролцлоо.