
Сургалтын чанар, үр өгөөжийг нэмэгдүүлэх, багш нарын мэргэжлийн мэдлэг, ур чадварыг хөгжүүлэх зорилгоор “Хиймэл оюун ухааны программ хэрэгслийг ашиглан сургалтын интерактив контент боловсруулах арга зүй” сэдэвт сургалтыг 2026 оны 11 дүгээр сарын 02–03-ны өдрүүдэд амжилттай зохион байгууллаа.
Тус сургалтаар багш нар дараах чиглэлээр мэдлэг, ур чадвараа дээшлүүллээ. Үүнд:
- Сургалтын хөтөлбөр, агуулгад нийцсэн сургалтын хэрэглэгдэхүүн боловсруулах;
- Суралцагчдын мэдлэг, чадварыг оношлох үнэлгээний даалгавар боловсруулах;
- Идэвхтэй сургалтын арга зүйг дэмжсэн интерактив контент бүтээх;
- Хиймэл оюун ухааны программ, хэрэгслийг сургалтын үйл ажиллагаанд үр дүнтэй ашиглах арга зүйд суралцах.
Боловсролын салбарт технологийн дэвшлийг зөв зохистой ашиглаж, сургалтын арга зүйгээ тасралтгүй шинэчлэн хөгжүүлэх нь багшийн мэргэжлийн хөгжлийн чухал үндэс юм.
Сургалтыг хамтран зохион байгуулж, багш нарын мэдлэг, ур чадварыг хөгжүүлэхэд үнэтэй хувь нэмэр оруулсан “Дижитал Эдү Менежмент” ХХК болон eschool.mn-ийн хамт олонд талархал илэрхийлье.
Дэлгэрэнгүй мэдээлэл авах албан хаагч:
Хэвлэл мэдээллийн ажилтан Б.Буянзаяа /99805739/ buyanzaya@newera.edu.mn