
Баяндалай сумын Ганданшаддүвлин хийдэд Брагри Ёнзин Данцагдоржийн IV дүрийн хувилгаан Данзанжамъяанлодой гэгээнтэн болон ӨБШТөв Маанийн хийдийн лам нар хүрэлцэн айлчилж, сүсэгтэн олонд зориулан соён гэгээрүүлэх үйл ажиллагаа болон буян номын хурал зохион байгууллаа.
Айлчлалын хүрээнд гэгээнтэн болон лам нар номын айлдвар айлдаж, сүсэгтэн олонд шашин, номын сургаал, ёс заншил, уламжлалт өв соёлын талаар мэдлэг, ойлголт түгээн, буян номын хурал хурсан юм.
Тус үйл ажиллагаа нь Монголын бурхны шашны уламжлал, өв соёлыг хадгалан хамгаалах, түгээн дэлгэрүүлэх, иргэдийн шашин, соёлын боловсролыг дээшлүүлэх, сүсэгтэн олныг зөв үзэл, зөв сэтгэл, энэрэл нигүүлслийн үзэлд уриалах ач холбогдолтой боллоо.
Энэхүү үйл ажиллагааг зохион байгуулахад оролцсон гэгээнтэн, лам хуврагууд болон хүрэлцэн ирсэн сүсэгтэн олонд талархал илэрхийлье.
Буян номын үйлс дэлгэрч, айл хотол, ард иргэдэд амар амгалан, аз хийморь, сайн сайхан бүхнийг хүсэн ерөөе.