
Тус цагдаагийн газраас алба хаагчдын гэр бүлийн халуун дулаан уур амьсгалыг бэхжүүлэх, ажлын ачааллаас үүдэлтэй стрессийг бууруулах, гэр бүлийн гишүүдийн харилцан ойлголцлыг нэмэгдүүлэх зорилгоор аймгийн Хүүхэд, гэр бүл, хөгжил, хамгааллын газартай хамтран “Хайрын хэлээр ярьцгаая” сэдэвт сургалтыг өнөөдөр /2026.11.13/ зохион байгууллаа.
Сургалтаар гэр бүлийн харилцааны сэтгэл зүйн онцлог, бие биеэ хайрлах, ойлгох таван хэлний тухай болон төрийн тусгай албаны онцлогтой уялдуулан гэр бүлдээ чанартай цаг гаргах, эерэг харилцааг төлөвшүүлэх арга зүйн талаар мэргэжлийн сэтгэл зүйчид сонирхолтой мэдээлэл өгч, харилцан ярилцлаа.
Алба хаагчийн ар гэр амар амгалан, элэг бүтэн, халуун дулаан байх нь төрийн тусгай албыг нэр төртэй, өндөр бүтээмжтэй хаших хамгийн чухал суурь билээ. Хамтран ажилласан Сүхбаатар аймгийн Хүүхэд, гэр бүл, хөгжил, хамгааллын газрын хамт олонд талархал илэрхийлье.