“Дархан-Ус суваг” ХК-ийн ажилтнуудын мэргэжлийн ур чадварыг дээшлүүлэх, харилцан туршлага солилцох, хөдөлмөрийн үнэ цэнийг эрхэмлэн дээдлэх зорилготой “Б.СЭРГЭЛЭН, Б.ГАЛ-ОЧИР АГСНЫ НЭРЭМЖИТ УР ЧАДВАРЫН ЭЗЭД-2026” ажил мэргэжлийн уралдаан өнөөдөр /2026.11.13/ эхэллээ.
Уралдааны нээлтийн ажиллагааг “Дархан-Ус суваг” ХК-ийн Гүйцэтгэх захирал С.Ганзориг нээж, компанийн инженер техникийн ажилтнууд болон талийгаач Б.Сэргэлэн, Б.Гал-Очир агсны гэр бүлийнхэн хүрэлцэн ирж оролцлоо.
Тус уралдааныг үйлдвэрлэлийн ослын улмаас амь насаа алдсан хоёр ажилтныхаа гэгээн дурсгалыг хүндэтгэхийн зэрэгцээ ажил мэргэжлийн ур чадвар, хөдөлмөрийн үнэ цэнийг эрхэмлэн дээдлэх зорилгоор зохион байгуулж байна.
Уралдаанд “Дархан-Ус суваг” ХК-д сантехникийн засварчин, гагнуурчнаар ажиллаж буй үндсэн ажилтнууд оролцож, мэргэжлийн ур чадвараа сорин өрсөлдөж байна.
Уралдаан дараах хоёр төрлөөр явагдаж байна. Үүнд:
* Сантехникийн засварчин: Цэвэр усны PVC, PPR шугамын угсралт хийх;
* Гагнуурчин: Ган хоолойгоор бэлдэц хийх, гагнах ур чадвараа сорих.
Энэхүү уралдаан нь ажилтнуудын мэргэжлийн ур чадварыг үнэлэх, туршлага солилцох, хөдөлмөрийн амжилтыг урамшуулахын зэрэгцээ хамт олны эв нэгдэл, мэргэжлээрээ бахархах сэтгэлийг бэхжүүлэх ач холбогдолтой юм.
УР ЧАДВАРААРАА ӨРСӨЛДӨЖ, МЭРГЭЖЛЭЭРЭЭ БАХАРХЪЯ!
Эх сурвалж: Дархан Ус суваг
