ХҮН БҮР, БАЙГУУЛЛАГА БҮР ХҮҮХДИЙН ЭРСДЭЛИЙГ МЭДЭЭЛЦГЭЭЕ💫
“Хүүхдийн төлөө за бол заавал хийе” үндэсний хөдөлгөөний хүрээнд хүүхдийн эрх, аюулгүй байдлыг хамгаалах, аливаа эрсдэлээс урьдчилан сэргийлэх зорилгоор иргэн байгууллага бүр хүүхдийн эрхийн зөрчил, орчны эрсдэлийг мэдээлэхийг уриалж байна.
Иргэн бүр хүүхдийн эрх зөрчигдсөн, хүчирхийлэлд өртсөн, хараа хяналтгүй орхигдсон болон эрсдэлт нөхцөл байдалд байгаа талаар дараах дөрвөн сувгаар мэдээлэл өгөх боломжтой. Үүнд:
🍀Төрийн үйлчилгээний ХУРДАН цэг: ХУРДАН цэгээр дамжуулан хүүхэдтэй холбоотой эрсдэлийн талаар мэдээлэх боломжтой.
🍀E-Mongolia платформ: “E-Kids – Эрсдэл мэдээлэх” цэсээр нэвтэрч хүүхдийн эрсдэлийн талаарх мэдээллийг хүргүүлнэ.
🍀Хүүхдийн тусламжийн 108 утас: Хүүхдийн эрх, хамгаалалтай холбоотой асуудлаар 108 дугаарт холбогдон үнэ төлбөргүй зөвлөгөө авч, мэдээлэл өгөх боломжтой.
🍀“Эрсдэлгүй Хөвсгөл” гар утасны аппликейшн: Орон нутгийн хүүхэдтэй холбоотой эрсдэл, аюулгүй байдлын талаарх мэдээллийг аппликейшнд мэдээлсэнээр холбогдох байгууллага түргэн шуурхай эрсдэлийг арилгах боломжтой.
Хүүхдийн эрхийг хамгаалах нь зөвхөн нэг байгууллагын үүрэг биш бөгөөд эцэг эх, асран хамгаалагч, иргэн бүрийн оролцоо чухал юм.
Тиймээс хүүхдийн эрх зөрчигдөж болзошгүй аливаа нөхцөл байдлыг үл тоомсорлолгүй, цаг алдалгүй мэдээлж, хүүхэд бүрийг аюулгүй орчинд өсөж хөгжихөд хамтдаа хувь нэмрээ оруулцгаая.
ХҮН БҮР, БАЙГУУЛЛАГА БҮР ЭРСДЭЛИЙГ МЭДЭЭЛЦГЭЭЕ❗️
#ХҮҮХДИЙН_ТӨЛӨӨ_ЗА_БОЛ_ЗААВАЛ_ХИЙЕ!
