🚨 "Эрдэнэт үйлдвэр" болон ЭМЯ-ны тендерийг Эрүүгийн хуулиар шалгаж эхэллээ!
Авлигатай тэмцэх газраас хийсэн сүүлийн үеийн шалгалтаар хэд хэдэн анхаарал татсан зөрчлүүд илэрч, эрүүгийн хэргийн шинжтэй асуудлуудыг мөрдөн шалгах хэлтэст шилжүүлжээ.
📌Нийтийн албанд томилогдохоор нэр дэвшсэн 569 иргэний мэдүүлгийг шалгаснаас “Багануур ЗӨБ ЦТС” ТӨХК, БОАЖГ, Дорнод аймгийн БОЭТ, Өмнөговь аймгийн ЗДТГ зэрэг байгууллагын зарим томилгоонд илт ашиг сонирхлын зөрчил үүсэх нөхцөл тогтоогдсон байна.
📌Хөвсгөл аймгийн нэр бүхий сумын Засаг дарга А, “Эрдэнэт үйлдвэр” ТӨҮГ болон Эрүүл мэндийн яамны тендер шалгаруулах Үнэлгээний хорооны үйл ажиллагаанд албан тушаалын хэрэг байж болзошгүй гэж үзэн мөрдөн шалгаж эхэллээ.
📌Төлөвлөгөөт хяналтаар 28 албан тушаалтны ХАСХОМ-ийг шалгахад өөрийн болон гэр бүлийн хөрөнгө, орлого, зээлээ зөрүүтэй мэдүүлсэн, удирдлагын зөвшөөрөлгүй давхар ажил гүйцэтгэсэн зөрчлүүд илэрсэн тул хариуцлага тооцуулахаар албан бичиг хүргүүлэв.
Энэхүү мэдээлэл нь Авлигатай Тэмцэх Газрын ( https://iaac.mn/3743/nitem ) Хяналт шалгалт, дүн шинжилгээний хэлтсийн албан ёсны 7 хоногийн тайлан мэдээлэлд үндэслэгдсэн болно.
https://iaac.mn/3743/nitem
