Сүхбаатар дүүргийн Засаг даргын Тамгын газраас Хүний нөөц нийгмийн түншлэл НҮТББ-тай хамтран "Үе тэнгийн дээрэлхэл: Судалгаанд суурилсан шийдэл, хамтын оролцоо" форумыг өнөөдөр зохион байгууллаа. Уг форумд дүүргийн удирдлагууд, ерөнхий боловсролын сургуулиудын захирал, нийгмийн ажилтан, сэтгэл зүйч, мэргэжилтэн болон эцэг эхийн төлөөлөл оролцов.
Өнгөрсөн хугацаанд дүүргийн Засаг даргын Тамгын газраас Хүний нөөц нийгмийн түншлэл НҮТББ-тай хамтран ерөнхий боловсролын сургуулийн орчин дахь үе тэнгийн дээрэлхлийн нөхцөл байдлыг судалж, урьдчилан сэргийлэх, таслан зогсоох, хариу үйлчилгээний тогтолцоог сайжруулах бодлогын зөвлөмж, арга зүйн чиглэл боловсруулах ажлыг хэрэгжүүлсэн. Тэгвэл энэхүү судалгааны үр дүнг өнөөдөр танилцуулж, цаашид хэрэгжүүлэх бодлогын зөвлөмжийг боловсролын байгууллагын удирдлага, нийгмийн ажилтан болон холбогдох байгууллагын төлөөлөлд танилцуулж, асуудлыг хамтын оролцоотой хэлэлцэх, сургуулийн түвшинд хэрэгжүүлэх бодит шийдэл боловсруулах, цаашид дүүрэг, нийслэлийн хэмжээнд түгээн дэлгэрүүлэх боломжийг бүрдүүлэх зорилготойгоор өнөөдрийн арга хэмжээг зохион байгууллаа.
