“ХҮҮХДИЙН ТӨЛӨӨ – ХҮНСНИЙ АЮУЛГҮЙ БАЙДАЛД ЗА ГЭЖ ХЭЛЬЕ” аяны хүрээнд Дархан-Уул аймгийн хэмжээнд үйл ажиллагаа явуулж байгаа сургуулийн орчмын хүнсний худалдааны газруудад төлөвлөгөөт бус хяналт шалгалт хийж эхэллээ.“ХҮҮХДИЙН ТӨЛӨӨ – ХҮНСНИЙ АЮУЛГҮЙ БАЙДАЛД ЗА ГЭЖ ХЭЛЬЕ” аяны хүрээнд Дархан-Уул аймгийн хэмжээнд үйл ажиллагаа явуулж байгаа сургуулийн орчмын хүнсний худалдааны газруудад төлөвлөгөөт бус хяналт шалгалт хийж эхэллээ.

Хүнсний худалдаа эрхлэгч та бүхэн дараах 7 зүйлийг хэвшил болгоорой. 👇

✅ 1. Хугацаа шалга. Бараа өрөх бүрдээ дуусах хугацааг нь хар. Хугацаа дууссан бүтээгдэхүүнийг худалдаанаас нэн даруй тусгаарла.

✅ 2. Хөргүүрийн хэмээ хяна. Хөргүүр, хөлдөөгч бүртээ термометр байрлуулж, температурыг тогтмол тэмдэглэ.

✅ 3. Гарал үүслийн баримтаа хадгал. Бараа татсан падаан, нийлүүлэгчийн мэдээлэл, холбогдох баримтуудаа эмх цэгцтэй байлга.

✅ 4. Шошгыг шалга. Монгол хэл дээрх шаардлагатай мэдээлэл, үйлдвэрлэсэн болон дуусах хугацаа, хадгалах нөхцөлийг анхаар.

✅ 5. Хүнсний барааг зөв байрлуул. Ахуйн химийн бодис, угаалгын нунтаг зэрэг бүтээгдэхүүнийг хүнснээс тусад нь байрлуул.

✅ 6. Агуулах, тавиураа цэвэр байлга. Барааг шууд шалан дээр тавихгүй, чийг, тоос, хортон шавжнаас хамгаал.

✅ 7. Ажилтнуудаа сурга. Худалдагч бүр хугацаа шалгах, бараа хүлээн авах, муудсан бүтээгдэхүүнийг тусгаарлах журмаа мэддэг байх хэрэгтэй.

❤️ НЭГ ЗҮЙЛИЙГ БҮҮ МАРТААРАЙ!

Хяналт шалгалт ирэхэд зориулж дэлгүүрээ цэвэрлэх биш, өдөр бүр хүнсний аюулгүй байдлыг хангаж ажиллах нь жинхэнэ хариуцлага юм.

Бидний зарж байгаа хүнсийг хүүхэд, гэр бүлүүд хэрэглэдэг. Тиймээс хүнсний аюулгүй байдал бол зөвхөн шалгалтад тэнцэх асуудал биш, хэрэглэгчийнхээ эрүүл мэндийн өмнө хүлээсэн үүрэг юм.