Халдварт бус өвчнөөс (чихрийн шижин, зүрх судасны өвчлөл гэх мэт) сэргийлэх, эрт илрүүлж, хянах зорилготой PEN/HEARTS багцыг анхан шатны эрүүл мэндийн тусламж үйлчилгээнд нэвтрүүлэх “МонПЭН санаачилга” төслийн нээлтийн үйл ажиллагаа, талуудын уулзалт боллоо.
Төслийн нээлт, уулзалтад аймгийн Засаг даргын зөвлөх Б.Отгонбаяр, ЗДТГ-ын НБХ-ийн дарга Д.Мөнхцэцэг, ЭМЯ-ны Нийгмийн эрүүл мэндийн бодлогын хэрэгжилтийн газрын Халдварт бус өвчний бодлогын хэрэгжилтийн зохицуулалт хариуцсан ахлах шинжээч Б.Батцоож, ДЭМБ-ын суурин төлөөлөгч Др Сокорро Эскаланте, ДЭМБ-ын Халдварт өвчнийг Хянан зохицуулах хороо хариуцсан зохицуулагч Др Шалала Ахмадова, ДЭМБ-ын Монгол Улс дахь суурин төлөөлөгчийн газрын ХБӨ хариуцсан мэргэжилтэн С.Болормаа, НЭМҮТ-ийн захирлын албан үүргийг хавсран гүйцэтгэгч С.Гэрэлмаа, НЭМҮТ-ийн БТХ-ийн дарга Ч.Хүсэлжаргал, АШУҮИС-ийн Зүрх судасны тэнхимийн багш Б.Бурмаа болон аймгийн Эрүүл мэндийн газрын удирдлага, албан хаагчид оролцлоо.
Уулзалтын хүрээнд ЭМЯ-наас халдварт бус өвчний өнөөгийн нөхцөл байдлын мэдээлэл, НЭМҮТ-өөс МонПэн санаачилгын хэрэгжилтийн талаар мэдээлэл өгсөн бол аймгийн Засаг даргын зөвлөх Б.Отгонбаяр хүн амын эрүүл мэндийг хамгаалах ажлыг аймаг, орон нутгийн түвшинд дэмжиж ажиллахаа илэрхийллээ.
Уг төсөл хэрэгжсэнээр халдварт бус өвчнөөс урьдчилан сэргийлэх боломж нэмэгдэж, чихрийн шижин, зүрхний шигдээс зэрэг өвчлөлийг эрт илрүүлж, хянах нөхцөл сайжирч, үүнийгээ дагаад анхан шатны эрүүл мэндийн тусламж үйлчилгээний чанар, хүртээмж нэмэгдэх юм.
