✅ УИХ-ын гишүүн Ж.Баясгалан 21 аймагт зохион байгуулж буй иргэд, хөгжлийн бэрхшээлтэй иргэд болон тэдгээрийн асран хамгаалагч нартай уулзалт зорион байгууллаа.

Уулзалтад аймгийн Засаг дарга М.Идэрбат, АЗДТГ-ын Нийгмийн бодлогын хэлтсийн дарга Т.Хурцбаяр, Хөдөлмөр, халамжийн үйлчилгээний газар, Нийгмийн даатгалын газар, Хүүхэд, гэр бүлийн хөгжил, хамгааллын газар, Хөгжлийн бэрхшээлтэй иргэдийн холбооны төлөөлөл оролцож, орон нутагт хөгжлийн бэрхшээлтэй иргэдийн эрх, оролцоо, нийгмийн хамгааллыг дэмжих чиглэлээр хэрэгжүүлж буй бодлого, үйл ажиллагаа, үр дүнгийн талаар мэдээлэл өгч, иргэдийн санал хүсэлтийг сонслоо.

✅ Өнгөрсөн жилийн уулзалтаар хөндөгдсөн гол асуудлын нэг болох Хөгжлийн бэрхшээлтэй хүний хөгжлийн төв байгуулах санал бодит ажил хэрэг болж байна.

✅ Тус төвийг байгуулах асуудлыг орон нутгийн зүгээс шийдвэрлэж, олон улсын байгууллагатай хамтран хэрэгжүүлэхээр ажиллаж байгаа нь хөгжлийн бэрхшээлтэй иргэдэд үзүүлэх үйлчилгээний хүртээмж, чанарыг сайжруулах чухал алхам юм.

✅ Мөн хөгжлийн бэрхшээлтэй иргэдэд төрийн үйлчилгээг хүртээмжтэй хүргэх чиглэлээр : Эрүүл мэндийн байгууллагуудын ажилтнуудад дохионы хэлний анхан шатны сургалт зохион байгуулж, анхан шатны хэлмэрч бэлтгэсэн.

✅ Аймгийн ИТХ-ын төлөөлөгчид, төрийн байгууллагын удирдлагуудад хөгжлийн бэрхшээлтэй хүний эрх, оролцоо, хүртээмжийн талаар сургалт, мэдээлэл өгсөн. Хөгжлийн бэрхшээлтэй иргэдийн зөвлөгөөн зохион байгуулж, гарсан санал, санаачилгыг аймгийн хөгжлийн бодлого, төлөвлөлтөд тусган хэрэгжүүлж байна.

✅ Хөгжлийн бэрхшээлтэй иргэдэд зөвхөн халамжийн үйлчилгээ хүргэх бус, тэдний эрхийг хүндэтгэх, нийгмийн оролцоог нэмэгдүүлэх, хөдөлмөр эрхлэх, бие даан амьдрах боломжийг бүрдүүлэхэд чиглэж байна. 2026.11.10