✅Засгийн газрын хэрэгжүүлэгч агентлаг Соёл, урлагийн газар 2026 оны гүйцэтгэлийн төлөвлөгөөнд тусгагдсан төв, орон нутгийн музейн үйл ажиллагаанд чиг үүргийн шинжилгээ хийх, улмаар стратеги, бүтцийн өөрчлөлтийн хөтөлбөрийг шинэчлэн боловсруулах ажлын хүрээнд 2026 оны 11 дүгээр сарын 09-ний өдөр Монголын Үндэсний музейн орчин нөхцөл, үйл ажиллагаатай танилцлаа.
✅Ажлын уулзалтын үеэр музейн захирал Д.Отгонсүрэн байгууллагын үйл ажиллагааны үндсэн чиглэл, бүтэц, зохион байгуулалт, хүний нөөц үйл ажиллагааны бодлого, хэрэгжүүлж буй төсөл, хөтөлбөр, цаашид хэрэгжүүлэхээр төлөвлөсөн ажлуудын талаар танилцуулж, тулгамдаж буй асуудал, шийдвэрлэх шаардлагатай асуудлуудаа танилцууллаа.
✅Мөн Соёл урлагийн газрын албан хаагчид "Монгол бахархал-Соёлын бүтээлч сар" аяны хүрээнд зохион байгуулагдаж буй "Социализмаар аялцгаая" тусгай үзэсгэлэнтэй танилцлаа.
🔖Тус музей нь Монгол Улсын түүх, соёл, угсаатны өвийг цогцоор нь хадгалан хамгаалах, судлан шинжлэх, олон нийтэд сурталчлан таниулах үндэсний хэмжээний соёл, шинжлэх ухааны байгууллага юм.
