МОТОЦИКЛ, МОПЕДЫН ХӨДӨЛГӨӨНИЙГ ТӨВ СУУРИН ГАЗАРТ ТҮР ХУГАЦААГААР ХЯЗГААРЛАНА
Өвлийн улирал эхэлж байгаатай холбогдуулан иргэдийн эрүүл мэнд, амь нас, аюулгүй байдлыг хамгаалах, зам тээврийн осол, зөрчлөөс урьдчилан сэргийлэх зорилгоор аймгийн Засаг даргын А/1507 дугаар захирамжаар төв суурин газрын бүсэд мотоцикл, мопедын хөдөлгөөнийг түр хугацаагаар хязгаарлахаар шийдвэрлэлээ.
Тодруулбал 2026 оны 12-р сарын 01-ний өдрөөс 2027 оны 02-р сарын 15-ны өдрийг хүртэлх хугацаанд аймгийн сумдын суурьшлын бүсэд мотоцикл, мопед, скутер, суррон зэрэг тээврийн хэрэгслийг замын хөдөлгөөнд оролцуулахыг хориглоно.
Иргэд та бүхэн захирамжийг мөрдөж, замын хөдөлгөөнд хариуцлагатай оролцон өөрийн болон бусдын аюулгүй байдлыг хангана уу.
