✅Хүүхэд бүрийн сурч боловсрох эрхийг хангах, чанартай боловсрол эзэмших нөхцөлийг бүрдүүлэхэд сургалтын таатай орчноос гадна шаардлагатай тоног төхөөрөмж, материаллаг бааз чухал үүрэгтэй.

✅Энэ хүрээнд өнөөдөр /2026.11.09/ Улсын Их Хурлын гишүүн, Байгаль орчин, уур амьсгалын өөрчлөлтийн сайд Ц.Сандаг-Очир, УИХ-ын гишүүн С.Амарсайхан нар Багануур дүүрэгт ажиллаж, сургууль, цэцэрлэгүүдийн сургалтын орчин, материаллаг баазыг сайжруулахад зориулан нийт 300 гаруй сая төгрөгийн үнэ бүхий тоног төхөөрөмжийг хүлээлгэн өглөө.

✅Тодруулбал, сургалтын үйл ажиллагаанд ашиглах ухаалаг телевизор, зөөврийн компьютер, сургууль, цэцэрлэгийн гал тогооны тоног төхөөрөмж, сурагчийн ширээ, сандал зэрэг шаардлагатай тоног төхөөрөмжийг шийдвэрлэж, боловсролын байгууллагуудад хүлээлгэн өгсөн юм.

✅Мөн энэ үеэр сургууль, цэцэрлэгийн багш, ажилтнуудын төлөөлөлтэй уулзаж, боловсролын салбарт тулгамдаж буй асуудал, цаашид анхаарч, шийдвэрлэх шаардлагатай санал хүсэлтийг сонсон, санал солилцлоо.