✅Гэр бүл, хөдөлмөр, нийгмийн хамгааллын сайд, Боловсролын сайдын 2026 оны 09 дүгээр сарын 09-ний өдрийн хамтарсан А/172, А/305 дугаар тушаалаар хүүхдийг эерэг аргаар хүмүүжүүлэх “Сайн эцэг эх” хөтөлбөрийг үндэсний хэмжээнд хэрэгжүүлэхээр баталсан.
Гэр бүл, хөдөлмөр, нийгмийн хамгааллын яам, Боловсролын яам, Хүүхэд, гэр бүлийн хөгжил, хамгааллын ерөнхий газар, Боловсролын ерөнхий газар, Хүүхдийг ивээх сан хамтран 2026 оны 10 дугаар сарын 29-30-ны өдрүүдэд хөтөлбөрийг үндэсний хэмжээнд түгээн дэлгэрүүлэх 30 чиглүүлэгч багшийг бэлтгэлээ.
“Сайн эцэг эх” хөтөлбөрийг хэрэгжүүлснээр эцэг эх, асран хамгаалагчдын хүүхэд хүмүүжүүлэх талаарх мэдлэг, хандлага, дадлыг сайжруулах, хүүхдийн эсрэг бие махбодын шийтгэл, доромжлон гутаасан харилцааг бууруулахад хувь нэмэр оруулна. Түүнчлэн гэр бүлийн гишүүдийн харилцан хүндэтгэл, ойлголцол, хамтын шийдвэр гаргалтыг дэмжиж, хүүхэд бүрийг хүчирхийлэлгүй, аюулгүй, халамж дүүрэн орчинд өсөж хөгжих нөхцөлийг бүрдүүлэхэд чиглэж байна.
#ЗаБолЗаавалХийе
#ҮнэтЦагаа_ҮрсдээӨгье
