Монгол гэрийн дулаалгын “ЧИП” багцыг иргэдэд гардуулах үйл ажиллагаа өнөөдөр Сэлбэ арена спорт цогцолборт боллоо. Энэхүү үйл ажиллагааг дүүргийн Засаг даргын Тамгын газрын дарга Ө.Энхбаяр нээж үг хэлэв. Үргэлжлүүлэн НҮБ-ын Хүүхдийн Сангийн (UNICEF) Уур амьсгалын өөрчлөлтийн хөтөлбөрийн ахлах мэргэжилтэн С.Алтанцэцэг, “Өнө Монгол Гэр ХХК”-ийн захирал Батчимэг нар төслийн танилцуулга болон “ЧИП” багцыг ашиглаж, хэрэглэх зааварчилгааг иргэдэд өглөө.
📌 Дулаанбаатар аяны хамтрагч НҮБ-ын Хүүхдийн сангийн санаачлан зохион байгуулж буй Монгол гэрийн “Чип” багц нь гэрийн дулаалга, цахилгаан халаалт, агаар сэлгэлтийн шийдлийг цогцоор хэрэгжүүлэх шийдэл билээ. Багц нь гэрийн дулаан алдагдлыг бууруулж, түлш хэрэглэлгүйгээр цахилгаан халаалт ашиглах, агаарын чанар болон амьдрах орчны тав тухыг сайжруулах юм.
