Энэ сарын 09-ний өдөр тохиох “Ахлагчийн албаны өдөр”-ийг угтан Арвайхээр цэргийн хүрээний төрийн цэргийн болон хууль сахиулах байгууллагуудын Ахлагчийн зөвлөлөөс спортын цогцолбор тэмцээнийг санаачлан зохион байгууллаа.
Тус тэмцээн нь ахлагч бүрэлдэхүүний бие бялдрын хөгжил, спортын ур чадварыг дээшлүүлэх, хамт олны эв нэгдэл, нөхөрсөг харилцааг бэхжүүлэх, байгууллага хоорондын хамтын ажиллагааг өргөжүүлэх зорилготой бөгөөд сагсан бөмбөг, волейбол, буухиа, модон барилдаан гэсэн дөрвөн төрлөөр амжилттай зохион байгуулагдав.
Тэмцээнд Онцгой байдлын газрын баг тамирчид авхаалж самбаа, ур чадвар, багийн нэгдмэл ажиллагаагаа харуулан амжилттай оролцож, дараах амжилтыг үзүүллээ.
🏆 Багийн амжилт:
* 🥇 Сагсан бөмбөгийн төрөлд – Тэргүүн байр * 🥇 Волейболын төрөлд – Тэргүүн байр
Модон барилдааны эмэгтэй төрөлд:
* 🥉 65–70 кг-ын жинд, ахлах ахлагч Э.Туул – Гутгаар байр * 🥈 60–65 кг-ын жинд, ахлах ахлагч З.Гандолгор – Дэд байр * 🥉 55–60 кг-ын жинд, энгийн Б.Азжаргал – Гутгаар байр
🏆🏆Мөн багийн нийлбэр дүнгээр Дэд байр эзэлж, тэмцээний шилжин явах цомын эзэн боллоо.
Энэхүү амжилт нь алба хаагчдын бие бялдрын бэлтгэлжилт, сахилга зохион байгуулалт, хамтын ажиллагаа, багийн нэгдмэл байдлын илэрхийлэл юм.
Тэмцээнд амжилттай оролцож, байгууллагынхаа нэр хүндийг өндөрт өргөсөн баг тамирчдадаа баяр хүргэж, цаашдын ажил үйлс, спортын замналд нь өндөр амжилт хүсэн ерөөе!
