✅Нийслэлийн хүүхдийн 139 дүгээр цэцэрлэгийн хамран сургах тойрогт 36-54 дүгээр байр, Нарлаг хотхон болон Хөдөө хэсэг багтдаг.

✅

Тус цэцэрлэг 280 хүүхдийн хүчин чадалтай бөгөөд 2026-2027 оны хичээлийн жилийн цахим бүртгэлээр 240 гаруй хүүхэд бүртгүүлжээ. Хамран сургах тойргийн хүрээнд 169 хүүхэд элсүүлэхээс 98 хүүхдийг хүлээн авсан байна. Зөвхөн харьяаллын хүрээнд хүүхэд элсүүлбэл цэцэрлэгийн хүчин чадал бүрэн ашиглагдахгүй байх нөхцөл үүсэж байгаа тул харьяаллын бус болон түр оршин суугчийн хаягтай хүүхдүүдийг хамруулан ажиллаж байна. Энэ нь цаашид тус цэцэрлэгийн хамран сургах тойргийг нэмэгдүүлэх хэрэгцээтэйг харуулж байна.

✅Цэцэрлэгийн үйл ажиллагаа хэвийн үргэлжилж, 2026-2027 оны хичээлийн жилийн бэлтгэл ажил бүрэн хангагдаж тус цэцэрлэгийн эрхлэгч, багш, сурган хүмүүжүүлэгчид тусгай хэрэгцээт хүүхдүүдэд зориулсан тусгай танхимыг тохижуулан бэлтгэсэн нь онцлог юм.

✅Харин гал тогооны махны машин, ширэмтэй плиткаг шинэчлэх, мөн дулааны шугам, бохирын босоо шугам, гадна тохижилт болон барилгын фасадын засвар хийх шаардлагатай байна.