Монгол түмний сэтгэл зүрхэнд хоногшсон мөнхийн бүтээл болсон дуу юм. Дууны үгийг 1960 оны сүүлчээр Монгол Улсын Соёлын гавьяат зүтгэлтэн Жамцын Бадраа бичиж, Монгол Улсын Ардын жүжигчин, хөгжмийн зохиолч Цэгмидийн Намсрайжав дууны аяыг нь зохиожээ. 1971 онд БНМАУ-ын Төрийн шагнал хүртсэн байна. Энэхүү дуунд зориулсан хөшөөг иргэдийн хүсэлтээр 1999 онд Д.Батдоржийн эх загвараар бүтээж Улаанбаатар хотын төвд Энхтайваны өргөн чөлөөнд, Гадаад харилцааны яамны баруун талд байрлуулсан. Монгол орны газрын дүрстэй төстэй хэлбэрийн хавтгай чулуун дээр дууны нэг бадгийн үг, ноттой нь хамт сийлсэн байдаг. Энэхүү дууны үгийг монгол бичгээр эрхэм үзэгч та бүхэндээ толилуулж байна. Үндэсний бичиг үсэг бол монгол түмний оюуны өв, түүх соёл, тусгаар тогтнолын үнэт илэрхийлэл билээ. Өв соёлоо дээдэлж, үндэсний бичгээ эрхэмлэн, хамтдаа түгээн дэлгэрүүлье!
