✅ Улсын бүртгэлийн ерөнхий газрын Кибер, аюулгүй байдлын хэлтсээс албан хаагчдын кибер аюулгүй байдлын талаарх мэдлэг, ойлголтыг нэмэгдүүлэх, цахим орчинд учирч болзошгүй эрсдэлээс урьдчилан сэргийлэх зорилгоор “Байгууллагын кибер аюулгүй байдал, аюул занал” сэдэвт сургалтыг 2026 оны 11 дүгээр сарын 05-ны өдөр зохион байгууллаа.

✅ Сургалтыг Кибер, аюулгүй байдлын хэлтсийн ахлах мэргэжилтэн П.Чинболд удирдан явуулж, байгууллагын газар, хэлтсийн албан хаагчдад кибер аюулгүй байдлын үндсэн ойлголт, холбогдох хууль, эрх зүйн зохицуулалт, цахим орчинд түгээмэл тохиолддог халдлага, зөрчлийн талаар мэдээлэл өглөө.

✅ Мөн кибер халдлагыг таних, сэжигтэй цахим шуудан, холбоос, файлыг ялган таних, мэдээллийн систем болон сүлжээний лог бүртгэл хөтлөлтийн ач холбогдол, халдлагаас урьдчилан сэргийлэхэд албан хаагчдын анхаарах асуудлыг танилцуулж, мэдээллийн аюулгүй байдлыг хангах зөв дадал, хариуцлагын талаар зөвлөгөө мэдээлэл хүргэв.

✅ Цахим орчин дахь аюул занал, халдлагаас урьдчилан сэргийлэхэд албан хаагч бүрийн мэдлэг, хариуцлагатай үйлдэл чухал тул мэдээллийн аюулгүй байдлыг хангах зөв дадлыг өдөр тутмын ажилдаа хэвшүүлэхийг тус сургалтаар онцоллоо.

https://burtgel.gov.mn/post/69775