Баяннуур сум, 2026 оны 10 дугаар сарын 23. Монгол Улсын Ерөнхийлөгчийн зарлигаар орон даяар хэрэгжиж буй “Тэрбум мод” үндэсний хөдөлгөөний хүрээнд Баяннуур суманд намрын мод тарилтын ажлыг 2026 оны 10 дугаар сарын 23-ны өдөр амжилттай зохион байгууллаа.
Энэхүү хөдөлгөөний зорилго нь уур амьсгалын өөрчлөлт, цөлжилттэй тэмцэх, ногоон байгууламжийг нэмэгдүүлэх, ирээдүй хойч үедээ экологийн эрүүл орчин үлдээхэд чиглэгдэж байгаа юм.
Тус мод тарих ажилд сумын Засаг даргын Тамгын газар болон харьяа төрийн байгууллагуудын албан хаагчид, ажилчид бүрэн бүрэлдэхүүнээрээ идэвхтэй оролцож, сумынхаа ногоон бүсийг тэлэх, чимэглэлийн болон ашигт модны талбайг нэмэгдүүлэхэд бодитой хувь нэмэр орууллаа.
Төрийн албан хаагчид зөвхөн мод тариад зогсохгүй, цаашид тэдгээрийн ургалт, арчилгаа, усалгаанд тогтмол хяналт тавьж, хамгаалан ургуулахаар төлөвлөн ажиллаж байна.
"Байгаль дэлхийгээ хамгаалж, ногоон ирээдүйг хамтдаа бүтээе!"
