Төв аймгийн 2026 оны шилдгүүдийг тодруулах “АЛТАН ГУРВАЛЖИН” цомын эздийг шалгаруулах ёслолыг Улаанбаатар хот дахь Төв аймгийн Нутгийн зөвлөл, Төвийн бүсийн хөгжлийг дэмжих агентлаг болон Төв аймгийн Засаг даргын Тамгын газар, Баян-Өнжүүл, Дэлгэрхаан, Жаргалант, Сүмбэр, Цээл сум хамтран зохион байгуулахаар ажиллаж байна.

Оны шилдэгүүдийг 9 номинациар шалгаруулах бөгөөд та бүхэн болзол, шаардлага хангаж буй аж ахуйн нэгж, байгууллага, иргэнийг нэр дэвшүүлэн холбогдох баримт материалууд (Анкет, Тодорхойлолт, Хурлын тэмдэглэл, Танилцуулга /power point/, зураг, эрх бүхий албан тушаалтны хүсэлт, бусад г.м)-ын хамт 2026 оны 11 дүгээр сарын 20-ны дотор аймгийн Засаг даргын Тамгын газрын Төрийн захиргааны удирдлагын хэлтэст цаасан болон цахим хэлбэрээр ирүүлнэ үү.

Нэр дэвшигч нь:

- Сүүлийн 3-аас доошгүй жил Төв аймагт амьдарч, эсвэл аймаг орон нутаг руу чиглэсэн хамаарал бүхий үйл ажиллагаа тогтмол явуулж байгаа,

- Үйл ажиллагаагаа өргөжүүлэх замаар ажлын байр бий болгох, татвар төлөлт болон төсвийн орлогыг нэмэгдүүлэхэд тодорхой хувь нэмэр оруулсан байх,

- Дотоод, гадаадын банк санхүү, нийгмийн даатгалын байгууллага, татварын байгууллагад хугацаа хэтэрсэн өргүй байх,

- Нийгмийн хариуцлагын гэрээ хэлцэл, бусад үйл ажиллагааны амлалт үүргийг цаг тухайд нь хэрэгжүүлсэн байх зэрэг үндсэн шаардлагуудыг хангасан байна.