ХҮҮХДЭД ЭЭЛТЭЙ ОРОН НУТАГ” АРГА ХЭМЖЭЭНД ТУСГАХ

САНАЛ АВАХ АРГА ХЭМЖЭЭНИЙ УДИРДАМЖ

2026 оны 10 дугаар сарын 29 Хулстай

Үндэслэл: Хүүхдийн эрхийн тухай хуулийн 10, 17, 18 дугаар зүйл, Хүүхэд хамгааллын тухай хуулийн 39 дүгээр зүйлийн 39.2, Хүүхдийн төлөө зөвлөлийн 2026 оны 03 дугаар тогтоолоор батлагдсан хүүхдийн төлөө “За бол заавал хийе” үндэсний хөдөлгөөний 3.4.1.1 дэх заалтуудыг хэрэгжүүлж, 2027 онд “Хүүхдэд ээлтэй орон нутаг” арга хэмжээг хэрэгжүүлэхийн тулд үндэслэн эцэг эх, асран хамгаалагчид, төрийн албан хаагчдаас санал авах үйл ажиллагааг зохион байгуулав.

Зорилго: “Хүүхдэд ээлтэй орон нутаг” арга хэмжээг иргэд, олон нийтийн оролцоотойгоор хэрэгжүүлж, хүүхдийн эрхэд сөргөөр нөлөөлж буй эрсдлийг бууруулах, хүүхдийг аливаа эрсдэлд өртөхөөс урьдчилан сэргийлэх

Хугацаа: 2026 оны 10 дугаар сарын 29-нөөс 11 дүгээр сарын 10

Хамрах хүрээ:

• Төрийн албан хаагчид

• Эцэг эх, асран хамгаалагчид

• ЕБСургуулийн хүүхдүүд

Хийгдэх ажил:

1. Удирдамжийн хүрээнд төрийн албан хаагчид, эцэг эх, асран хамгаалагчид, хүүхдүүд “Хүүхдэд ээлтэй орон нутаг” санаачлалгыг хэрэгжүүлэхэд тусгах саналаа боловсруулж, 2026 оны 11 дүгээр сарын 10-ны өдрийн дотор enhzaya571175@gmail.com хаягаар болон цаасаар ирүүлнэ.

2. Хүүхдийн төлөө зөвлөлөөр хуралдаж ирүүлсэн саналуудыг хэлэлцэж, 2027 онд хэрэгжүүлэх “Хүүхдэд ээлтэй орон нутаг” арга хэмжээний удирдамжид тусгах саналуудыг сонгоно.

Тавигдах шаардлага:

 Сумын хэмжээнд хүүхдийг эрсдлээс урьдчилан сэргийлэх чиглэлээр шинэ санаачилгыг дэвшүүлсэн байна.

 Тухайн санаачлагыг хэрэгжүүлэх арга замыг тодорхой тусгасан байх бөгөөд эцэг эх, асран хамгаалагчдыг хамруулах боломжтойгоор арга замыг тодорхойлсон байна.

 Хэрэгжүүлэх арга хэмжээний агуулгыг илэрхийлсэн нэртэй байна.

Шагнал урамшуулал:

Шилдэг санаачлагуудыг нэгтгэж 2027 онд сумын хэмжээнд хэрэгжүүлэх “Хүүхдэд ээлтэй орон нутаг” арга хэмжээг төлөвлөж хэрэгжилтийг ханган ажиллана. Хамгийн үр дүнтэй хэрэгжсэн 2 санаачлагыг тус бүр 1,000,000 төгрөгөөр 2027 оны 06 дугаар сарын 1-ний өдөр урамшуулна.

Хүрэх үр дүн: Сумын хэмжээнд хүүхдийн эрхэд сөргөөр нөлөөлж болзошгүй эрсдлийг бууруулж, хүүхдийн эрүүл, аюулгүй орчинд амьдрах нөхцөлийг бүрдүүлсэн байна.

ХҮҮХДИЙН ТӨЛӨӨ ЗӨВЛӨЛ