Монгол Улсын Засгийн газрын 2026 оны 280 дугаар тогтоолын дагуу Төрийн архивын үйл ажиллагааны улсын үзлэг Газар зохион байгуулалт, геодези, зураг зүйн ерөнхий газрын төрөлжсөн архивт 2026 оны арван нэгдүгээр сарын 04-ний өдрөөс эхэлж байна.
Газар зохион байгуулалт, геодези, зураг зүйн ерөнхий газрын Салбарын архивын улсын үзлэгийг зохион байгуулах комиссын даргаар Цаг уур, орчны шинжилгээний газрын дарга Э.Баттулга, ажлын хэсгийн гишүүдээр Архивын ерөнхий газрын Мэдээллийн технологийн газрын дарга, архив, албан хэрэг хөтлөлтийн хяналтын улсын байцаагч Х.Төмөрбаатар, Архивын ерөнхий газрын Мэдээллийн технологийн газрын мэргэжилтэн Г.Золжаргал нарын бүрэлдэхүүнтэй ажиллаж байна.
Улсын үзлэгийг Хууль зүй, дотоод хэргийн яамны Төрийн нарийн бичгийн даргын 2026 оны “Төрийн архивын үйл ажиллагааг дүгнэх, үнэлэх үзүүлэлт, аргачлал батлах тухай” А/150 дугаар тушаалаар баталсан зургаан үндсэн чиглэл, 68 үзүүлэлт, 272 шалгуур үзүүлэлтийн дагуу явуулж байна.
Улсын үзлэгийн хүрээнд архив, албан хэрэг хөтлөлтийн үйл ажиллагааны өнөөгийн нөхцөл байдал, хэрэгжилтийн түвшнийг бодитой үнэлж, дүгнэлт гаргахын зэрэгцээ цаашид авч хэрэгжүүлэх арга хэмжээний саналыг боловсруулан Төв комисс болон Монгол Улсын Засгийн газарт уламжлан танилцуулах юм.
