
Нээлтийн үйл ажиллагааг аймгийн музейн захирал Ж.Юнрэндорж, аймгийн Соёл, урлаг, аялал жуулчлал, залуучуудын газрын дарга Ж.Норолхоожав, Монголын Үндэсний номын сангийн гар бичмэл судлалын сан хөмрөгч, доктор Ч.Гансүх нар нээж мэндчилгээ дэвшүүлж үг хэллээ.
Үзэсгэлэнгийн онцлох шатрыг Завхан аймгийн Яруу сумын харьяат Монголын Үндэсний номын сангийн гар бичмэл судлалын сан хөмрөгч, доктор Чулуунбатын Гансүх нь 2006 оны 7 дугаар сарын 20-ны өдөр Бүгд Найрамдах Унгар улсын нийслэл Будапешт хотод бүтээсэн. Энэхүү бүтээлийн онцлог нь дэлхийд хүний гараар хийсэн хамгийн жижиг монгол модон шатар бөгөөд ширээг нарс мод, бод болон хүүг царс модон шүдний чигчлүүрээр тус тус хийсэн. Ширээний тавцанг ухаж хөлгийн дөрвөлжин шоог цаасан дээр зурж нааж суулгасан. Бүтээлийг хийхэд томруулдаг шил хэрэглээгүй өөрийн нүдний хараагаар хийсэн. Мөн жирийн сийлбэрийн хутга болон өөрийн гараар хийсэн жижиг хутга ашигласан байна.
Тус үзэсгэлэнд хамгийн жижиг хэмжээтэй монгол модон шатраас гадна аймгийн музейн сан хөмрөгт бүртгэлтэй 12 ширхэг шатар, ард иргэдийн 3 ширхэг шатрыг дэглэсэн.
Үзэсгэлэн 2026 оны 11 дүгээр сарын 01-30-ны өдөр хүртэл зохион байгуулагдана.