Өвөрхангай аймгийн Хүнс, хөдөө аж ахуйн газраас Бат-Өлзий сумын бүх шатны боловсролын байгууллагуудын 2026-2027 оны хичээлийн шинэ жилийн бэлтгэл ажил, сургууль, цэцэрлэгийн хоол үйлдвэрлэл, үйлчилгээний чанар, аюулгүй байдалд төлөвлөгөөт бус хяналт шалгалтыг зохион байгууллаа.
🔍 Шалгалтын зорилго, хүрээ:
Хүүхэд, багачуудын эрүүл, аюулгүй орчинд сурч боловсрох, чанартай хоол хүнсээр хангагдах нөхцөлийг бүрдүүлэх, эрсдэлээс урьдчилан сэргийлэх, илэрсэн зөрчлийг арилгуулах зорилгоор хоол үйлдвэрлэлийн явц, хүнсний түүхий эдийн чанар, ажилтнуудын эрүүл мэндийн үзлэг, эрүүл ахуйн шаардлагын биелэлтэд эрсдэлийн үнэлгээ хийж, мэргэжил арга зүйн зөвлөгөө өгч ажилласан юм.
⚠️ Илэрсэн зөрчил, авсан арга хэмжээ:
Шалгалтын явцад илэрсэн зөрчлийг арилгуулах, стандарт баримтлуулах чиглэлээр хуулийн дагуу дараах арга хэмжээг авч хэрэгжүүллээ.
💳 Шийтгэлийн арга хэмжээ: Илэрсэн зөрчилд 1.000.000 (нэг сая) төгрөгийн шийтгэл оногдууллаа.
📋 Албан шаардлага: Зөрчлийг арилгуулах, стандартыг мөрдүүлэхээр нийт 31 заалт бүхий 4 албан шаардлага хүргүүлж, биелэлтэд нь хяналт тавин ажиллаж байна.
