⛽ ХӨГЖЛИЙН БЭРХШЭЭЛТЭЙ ИРГЭД, ХӨГЖЛИЙН БЭРХШЭЭЛТЭЙ ХҮҮХДИЙН ЭЦЭГ ЭХ, АСРАН ХАМГААЛАГЧДАД ШАТАХУУНЫ ДАРААЛАЛ ХАРГАЛЗАХГҮЙ ҮЙЛЧИЛНЭ
♿ Хөгжлийн бэрхшээлтэй хүний эрхийн тухай хуулийн 43.1.3 дахь заалт болон Шатахууны шуурхай штабын шийдвэрийн хүрээнд хөгжлийн бэрхшээлтэй иргэд, хөгжлийн бэрхшээлтэй хүүхдийн эцэг эх, асран хамгаалагчдад шатахуун түгээх станцууд дараалал харгалзахгүй үйлчилнэ.
📋 ДАРААЛАЛ ХАРГАЛЗАХГҮЙ ҮЙЛЧЛҮҮЛЭХЭД БҮРДҮҮЛЭХ БАРИМТ БИЧИГ
🔹 1. Хөгжлийн бэрхшээлтэй иргэд:
- E-Mongolia системээс авсан хөдөлмөрийн чадвар алдалтын хувь, хугацааг тогтоосон акт;
- Иргэний үнэмлэх.
🔹 2. Хөгжлийн бэрхшээлтэй хүүхдийн эцэг эх, асран хамгаалагчид:
- Хүүхдийн хөгжлийн бэрхшээлийг тодорхойлсон акт;
- Хүүхдийн төрсний гэрчилгээ;
- Эцэг эх, асран хамгаалагчийн иргэний үнэмлэх.
⛽ ШТС-УУДЫН АНХААРАЛД!
Шатахуун түгээх станцуудын удирдлага, түгээгч ажилтнууд холбогдох баримт бичгийг үндэслэн эдгээр иргэдэд хүндрэл, чирэгдэл учруулахгүй, дараалал харгалзахгүй шуурхай үйлчилнэ.
🤝 ИРГЭД, ЖОЛООЧ НАРТ УРИАЛАХ НЬ
Шатахууны шуурхай штабаас бусад жолооч, иргэдийг хөгжлийн бэрхшээлтэй иргэд болон хөгжлийн бэрхшээлтэй хүүхдийн эцэг эх, асран хамгаалагчдын эрхийг хүндэтгэж, харилцан ойлголцож, хүндэтгэлтэй хандахыг уриалж байна.
АЖ ҮЙЛДВЭР, ЭРДЭС БАЯЛГИЙН ЯАМ
ШАТАХУУНЫ ШУУРХАЙ ШТАБ
Эх сурвалж: https://www.facebook.com/share/p/1DQHuZykQk/
