Тус багийн иргэдийн Нийтийн Хурал өнөөдөр 100%-ийн ирцтэй хуралдаж, ИТХ-ын дарга О.Галбадрах, Засаг дарга Х.Дашдэлэг нар цаг үеийн мэдээлэл өгч, Сумын Гэмт хэргээс урьдчилан сэргийлэх салбар зөвлөлөөс ИТХ-ын мэргэжилтэн Ж.Бямбаа сумын Гэмт хэргийн нөхцөл байдлыг танилцуулж, Мал хулгайлах гэмт хэрэг, Тээврийн хэрэгслийн ашиглалтын журмын эсрэг гэмт хэрэг, Залилах гэмт хэрэг, Гэр бүлийн хүчирхийллийн гэмт хэрэг, түүнээс урьчдилан сэргийлэх, Архины хор уршгийн талаарх мэдээлэл бүхий гарын авлагыг танилцуулж, Нийгмийн даатгалын байцаагч Б.Саруул Нийгмийн даатгалын багц хуульд орсон өөрчлөлтийн талаар танилцуулж, малын эмч Даваажаргал холбогдох мэдээллийг өглөө.

Түүнчлэн Алтантал багийн нутагт байрлах Хонхорын гол орчимд хайрганы хайгуул хийх зөвшөөрөл хүсэх тухай Өв Түвшин Монгол ХХК-ний хүсэлтийг үндэслэн аймгийн Засаг даргаас сумын ИТХ-д ирүүлсэн зөвшөөрөл хүсэх тухай албан бичгийн тухай танилцуулж мэдээлэл өглөө.