Монгол Улсын Хүнсний тухай хуулийн 6.3, 6.5 дахь хэсэг, Засгийн газрын 2023 оны 344 дүгээр тогтоолоор батлагдсан “Стратегийн хүнсний улирлын нөөц бүрдүүлэх, зарцуулах журам”-ын хүрээнд төв суурин газрын хүн амын 2027 оны хаврын улирлын хүнсний хэрэгцээнд зориулан мах нийлүүлэх сонгон шалгаруулалтыг зарлаж байна.
Сонгон шалгаруулалтад махыг чанарын шаардлага хангасан нөхцөлд бэлтгэж, хадгалсан аж ахуйн нэгжүүдийг оролцохыг урьж байна.
Захиалагч нь журмын 2.5 дахь заалтын дагуу нийлүүлсэн махны төрөл харгалзахгүйгээр 1 кг тутамд тогтоосон хэмжээгээр урамшуулал олгох хэлбэрээр дэмжлэг үзүүлнэ.
Сонгон шалгаруулалтад оролцох хүсэлтэй аж ахуйн нэгжүүд саналаа битүүмжилсэн байдлаар, эх хувь болон нэг хувь хуулбарын хамт 2026 оны 11 дүгээр сарын 12-ны өдрийн 17:00 цаг хүртэл хуанлийн 10 хоногийн хугацаанд Дорноговь аймгийн Нутгийн удирдлагын ордны 1 дүгээр давхар, 105 тоот өрөөнд ирүүлнэ үү.
“Махны нөөц бүрдүүлж, хөнгөлөлттэй үнээр худалдан борлуулах төслийн ажлын даалгавар”-тай Дорноговь аймгийн Засаг даргын Тамгын газрын Бүс, орон нутгийн хөрөнгө оруулалт, бодлого төлөвлөлтийн хэлтсийн 105 тоот өрөөнөөс урьдчилан авч танилцана уу.
Холбоо барих:
Ажлын хэсгийн нарийн бичиг
Утас: 70523937, 99010735, 80361118
