
Хамтарсан багийн үйл ажиллагааг бэхжүүлэх, хууль эрх зүйн мэдлэгийг дээшлүүлэх нь
Өрхийн эрүүл мэндийн төвийн өрхийн эмч, сувилагч нарын хууль эрх зүйн мэдлэг, ур чадварыг нэмэгдүүлэх, хамтарсан багийн үйл ажиллагаанд оролцох оролцоо, хамтын ажиллагааг сайжруулах зорилгоор чадавхжуулах сургалтыг зохион байгууллаа.
Тус сургалтад Хүүхэд, гэр бүлийн хөгжил, хамгааллын газрын мэргэжилтнийг урьж оролцуулан, хамтарсан багийн үйл ажиллагааны чиглэл, холбогдох хууль тогтоомж, эрүүл мэндийн ажилтнуудын үүрэг, оролцоо болон хүүхэд, гэр бүлийг хамгаалах чиглэлээр мэдлэг, мэдээлэл өгч, мэргэжилтнүүдийн ойлголтыг нэмэгдүүлэв.
Сургалт нь эрсдэлт нөхцөлд байгаа хүүхэд, гэр бүлд чиглэсэн тусламж, үйлчилгээг сайжруулах, байгууллага хоорондын уялдаа холбоог бэхжүүлэх, мэргэжлийн хамтын ажиллагааг өргөжүүлэхэд чухал ач холбогдолтой боллоо.
🤝 Хүүхэд, гэр бүлийн хөгжил, хамгааллыг дэмжихэд байгууллага бүрийн оролцоо, хамтын ажиллагаа чухал юм.