"Хүүхдийн эрхийг дээдлэх, тэднийг урлаг, спортын үйл ажиллагаанд аюулгүй, ээлтэй орчинд оролцуулах зорилго бүхий "Соёл, спортын үйл ажиллагаанд хүүхдийг оролцуулах, эрхийг хамгаалах журам" улсын хэмжээнд хэрэгжиж байна.
Хүүхдэд ээлтэй орчныг хамтдаа бүрдүүлэхийн тулд салбарын байгууллага, багш, зохион байгуулагч та бүхнийг журмаар нарийвчлан тогтоосон дараах үүрэг, хариуцлагыг үйл ажиллагаандаа хэвшүүлж ажиллахыг уриалж байна.
НЭГ. БАГШ, ДАСГАЛЖУУЛАГЧ, ЗОХИОН БАЙГУУЛАГЧИЙН ҮҮРЭГ:
🤝 Хүндэтгэлтэй харилцах: Хүүхдийг айлган сүрдүүлэх, нэр хоч өгөх, сэтгэл санааны дарамт шахалт үзүүлэхийг хатуу хориглоно.
🩺 Эмч заавал байх: Тэмцээн уралдаанд оролцуулахдаа багшаас гадна эмч заавал томилон ажиллуулна.
📸 Хувийн нууцыг хамгаалах: Зөвшөөрөлгүйгээр эмзэг байдалд оруулахуйц зураг, дүрс бичлэгийг олон нийтэд цацахыг хориглоно.
🚭 Архи, тамхигүй орчин: Хүүхдийн дэргэд архи, тамхи хэрэглэхгүй, зүй бус үг хэллэг гаргахгүй байх үүрэгтэй.
ХОЁР. СОЁЛ, УРЛАГИЙН БАЙГУУЛЛАГЫН ҮҮРЭГ:
📝 Урьдчилан зөвшөөрөл авах: Зохион байгуулагч тал баталсан хөтөлбөр, удирдамжийг холбогдох байгууллагад ажлын 10 хоногийн өмнө танилцуулж, зөвшөөрөл авах шаардлагатай.
⏰ Цагийн хязгаар тогтоох: Хүүхдийг шөнийн үзүүлбэрт оройн 19:00 цагаас хойш оролцуулахгүй байх.
🆓 Төлбөргүй оролцох эрх: Хөгжлийн бэрхшээлтэй, бүтэн өнчин, асрамж халамжид буй хүүхэд болон 13 хүртэлх насны оролцогч хүүхдээс тэмцээний мандат, төлбөр хураамж авахгүй байх.
⚖️ Ил тод, тэгш хуваарилалт: Төлбөр, шагнал урамшуулал бүхий үйл ажиллагаанд оролцсон бол хүүхэд, эцэг эх, асран хамгаалагчтай харилцан тохиролцож, орлогын хувь хэмжээг ил тод, тэгш хуваарилах.
📚 Хичээл хоцрогдолгүй байх: Соёл, урлагийн арга хэмжээнд оролцсоны улмаас хичээл тасалдсан, хоцрогдсон үед хичээл нөхөх боломжийг сургуулийн захиргаа, багш нартай хамтран зохион байгуулах.
ГУРАВ. ЖУРМЫН БУСАД ОНЦЛОХ ЗОХИЦУУЛАЛТУУД:
✅ Эцэг эхийн зөвшөөрөл, гэрээ: Хүүхдийг аливаа арга хэмжээ, бэлтгэл сургуулилтад хамруулахдаа эцэг эх, асран хамгаалагчтай заавал албан ёсны гэрээ байгуулж, эрсдэлээс сэргийлэх нөхцөлийг тусгана.
✅ Хөдөлмөрийн мөлжлөгөөс сэргийлэх: Хүүхдийн нас, бие бялдрын онцлогт тохирохгүй хүнд ачаалал өгөх, албадан хөдөлмөрлүүлэх, арилжааны зорилгоор хэтрүүлэн ашиглахыг хатуу хориглосон.
✅ Тээвэрлэлт ба байрлах орчин: Орон нутаг болон олон улсын тэмцээнд явахад хүүхдийн тээврийн хэрэгслийн аюулгүй байдал, зочид буудал, хоол хүнсний эрүүл ахуйн стандартыг зохион байгуулагч тал бүрэн хариуцна.
Хүүхдийнхээ авьяас чадварыг хөгжүүлэх эрүүл, аюулгүй, дарамтгүй орчныг хамтдаа бүрдүүлцгээе.
📞 ХҮҮХДИЙН ТУСЛАМЖИЙН УТАС: 108
🔗 Журмын дэлгэрэнгүйтэй танилцах: https://legalinfo.mn/mn/detail?lawId=17436738400902&fbclid=IwY2xjawVWJf5leHRuA2FlbQIxMQBwZG9mBXNydGMGYXBwX2lkEDIyMjAzOTE3ODgyMDA4OTIAAR-DHpOau97KTgNzLsPL1n8Sist0lnxRax4MEe2xzuTkcDqydEiVGlVOiWSiEA_aem_miZ89jQi9lnIosKu_roudA
