Өнөөдрийн нэгдсэн шуурхайд аймгийн ЗДТГ-ын дарга С.Цогбаяр болон бодлогын хэлтсийн дарга, мэргэжилтнүүд, аймгийн Засаг даргын эрхлэх асуудлын хүрээний агентлаг, харьяа байгууллага, төрийн болон орон нутгийн өмчит аж ахуйн нэгж, байгууллагууд оролцлоо.
Нийт 42 байгууллагаас 35 нь оролцож, ирц 83.33% хувьтай байв.
Шуурхайд өнгөрсөн хугацаанд хийсэн ажил, арга хэмжээ болон энэ 7 хоногт зохион байгуулах ажлын талаар мэдээлэл хийж, 11 үүрэг даалгавар өглөө.
Тухайлбал:
- Удирдах албан тушаалтанд зориулсан Жендэрийн G1 сургалтад шинээр томилогдсон байгууллагын дарга нар бүрэн хамрагдаж, сертификатаа 2026 оны 11 дүгээр сарын 06-ны дотор авах.
- Ахмадын сангийн данс нээлгээгүй байгууллагууд холбогдох хууль, журмын дагуу данс нээлгэх.
- Ажил амьдралын тэнцвэрт байдлын судалгааг бөглөөгүй байгууллагууд 2026 оны 11 дүгээр сарын 02-ны дотор бөглөж дуусгах.
- Засгийн газрын үйл ажиллагааны хөтөлбөрийн хэрэгжилтийг 2026 оны 12 дугаар сарын 05-ны дотор https://tov.unelgee.gov.mn/ цахим системд тайлагнах.
- Аймгийн Иргэдийн Төлөөлөгчдийн Хурлын тогтоол, шийдвэрийн хэрэгжилтийг 2026 оны 11 дүгээр сарын 10-ны дотор https://tov.unelgee.gov.mn/ цахим системд тайлагнах.
- Төрийн байгууллагуудын дотоод үйл ажиллагааны удирдлагын нэгдсэн ERP систем (https://erp.e-mongolia.mn/)-ээс бусад өргөдөл, гомдлын систем ашиглаж буй байгууллагууд шинээр нэвтрүүлж буй өргөдөл, гомдлын нэгдсэн системд холбогдох зааврын дагуу бүртгүүлж, үйл ажиллагаандаа нэвтрүүлэх. (Орон нутгийн өмчит байгууллагууд)
- Өргөдөл, гомдлын шийдвэрлэлтэд хяналт тавьж, хугацаа хэтэрсэн өргөдөл, гомдлыг шийдвэрлэх.
- Зөвшөөрөл олгодог эрх бүхий байгууллагуудаас видео танилцуулга авах тул холбогдох байгууллагууд бэлтгэл ажлыг бүрэн хангах.
- Их өгөгдөлд суурилсан шийдвэр гаргалт, нэгдсэн мэдээллийн сангийн https://dashboard.gov.mn/ системд бүртгүүлж, нэвтрэн, хариутай албан бичиг, зөвшөөрөл, мэдэгдэл болон өргөдөл, гомдлын бүртгэл, шийдвэрлэлтийн явц, үр дүнд тогтмол хяналт тавьж ажиллах.
- Аж ахуйн нэгж, байгууллага (ААНБ), хуулийн этгээдүүд эргэн тойрны 50 метр хүртэлх нийтийн эзэмшлийн зам, талбайн цас мөс, хог хаягдлыг цэвэрлэхийг албан тушаалтнуудад мэдэгдэх.
Өмнөх (2026.10.19) шуурхайн 11 үүрэг даалгаврын биелэлт дунджаар 85.61%-ийн гүйцэтгэлтэй.
