Хиймэл оюун ухаан (AI)-ийн ашиглалт болон түүний хэрэгцээ шаардлага нь орчин үеийн нийгэм, бизнес, технологийн хөгжлийн хамгийн чухал хөдөлгөгч хүч болоод байгаа ба өнөөдөр маш олон салбарт ажлын үр бүтээмжээ нэмэгдүүлэхээр ашиглаж байгаа юм.
Иймд Баянхонгор аймгийн ЗДТГ-ын урилгаар “Дижитал нэгдэл” ХХК-ийг үүсгэн байгуулагч залуус 14 цагийн багц сургалтыг 2026 оны 10 сарын 28, 29-ны өдрүүдэд нийт албан хаагчдын дунд зохион байгууллаа.
Танхимын сургалтаар GENERATIVE AI, AUTOMATIC AI гэсэн үндсэн хоёр агуулгын хүрээнд AI ашиглан текст, тайлан, албан бичиг, PPT танилцуулга, постер, зураг, видео контент бүтээх практик ур чадвар эзэмшүүлэх, хиймэл оюун ухаан болон үүсгэгч AI-ийн тухай үндсэн ойлголтыг өгч, ChatGPT, Gemini, Claude зэрэг программ ашиглан тайлан, имэйл, төлөвлөгөө гаргаж сурах, түүний өгөөж, хязгаарлалт, эрсдэл, хамгаалалтын талаарх цогц ойлголтыг албан хаагчдад өглөө.
