Иргэдийн хөдөлмөр эрхлэлт, нийгмийн харилцаанд тулгамдаж байгаа асуудлыг шийдвэрлэхэд чиглэсэн нийгмийн түншлэлийн хамтын ажиллагааг бэхжүүлэх, хөдөлмөр, нийгмийн түншлэлийн гурван талт 2026-2028 оны хэлэлцээрийг сурталчлах зорилготой сургалт, зөвлөгөөнийг Монголын үйлдвэрчний эвлэлийн холбооноос зохион байгуулж байна.

Уг сургалт, зөвлөгөөнд Хөдөлмөр, халамжийн үйлчилгээний газраас “Хөдөлмөр эрхлэлтийг дэмжихэд баримталж буй бодлого” сэдвээр мэдээлэл хүргэн, нийгмийн түншлэлийн гурван талт хорооны хамтын ажиллагааны талаар санал бодлоо солилцон оролцлоо.