2022 оны 07 дугаар сарын 05-ны өдөр Төрийн албаны тухай хуульд нэмэлт өөрчлөлт орж төрийн албаны ерөнхий шалгалтыг улиралд нэгээс доошгүй удаа зохион байгуулж болох талаар зохицуулалт туссан.

Төрийн албаны зөвлөлөөс 2026 онд төрийн албаны нөөц бүрдүүлэх ерөнхий шалгалтыг хуваарийн дагуу 4 удаа зохион байгуулахаар тогтож, хугацааг товлон нийтэд зарлан мэдээлсэн.

Энэ оны дөрөвдүгээр улирлын төрийн албаны ерөнхий шалгалтын бүртгэлийг 11 дүгээр сарын 02-ний өдрийн 09:00 цагаас 11 дүгээр сарын 17-ны өдрийн 09:00 цаг хүртэл Төрийн албаны салбар зөвлөлийн цахим хуудсаар дамжуулан хүлээн авч, хуваарийн дагуу 11 дүгээр сарын 30 аас 12 дугаар сарын 07-ны өдрүүдэд улсын хэмжээнд шалгалтыг зохион байгуулна.

Ерөнхий шалгалт өгөхөөр бүртгүүлэх иргэд дараах баримт бичгийг бүрэн илгээсэн байна. Үүнд:

1. Боловсролын түвшинг тодорхойлсон баримт бичиг /диплом/ Хэрэв гадаад улсад их, дээд сургууль төгссөн бол боловсролын баримт бичгийн баталгаат орчуулгыг хавсаргах
2. Цэргийн жинхэнэ алба хаах үүрэг хүлээсэн иргэн үүргээ биелүүлсэн тухай баримт бичиг/1990 оноос хойш төрсөн /
3. Сэтгэцийн эрүүл мэндийн урьдчилан сэргийлэх үзлэгт хамрагдсан тухай баримт (Эрүүл мэндийн сайдын 2026 оны 07 дугаар сарын 30-ны өдрийн А/242 дугаар тушаалын дагуу сэтгэцийн эрүүл мэндийн дүгнэлтийн хүчинтэй хугацаа 1 жил/
4. Иргэний эрүүгийн хариуцлага хүлээж байсан эсэх тодорхойлолт (бүртгэл явагдаж буй хугацаанд авсан байх)

Цаашид төрийн албанд ажиллах хүсэлтэй иргэдийг төрийн албаны ерөнхий шалгалтын холбогдох баримт бичгийг бүрэн илгээн бүртгэлээ баталгаажуулж амжилттай оролцохыг урьж байна.

Түүнчлэн Төрийн албаны зөвлөлөөс төрийн албаны ерөнхий шалгалтад оролцогчдод зориулсан “Төрийн албаны ерөнхий шалгалтын сорил, даалгавар” цахим ном, “E-taz” гар утасны аппликейшныг шинэчлэн гаргажээ.

БҮРТГҮҮЛЭХ

Төрийн албаны зөвлөлийн

Орхон аймаг дахь Төрийн албаны Салбар зөвлөл