Монгол Улсын Ерөнхий сайдын санаачилсан “Чөлөөлье” үндэсний санаачилгын хүрээнд нийгмийн хөгжил, төрийн үйлчилгээ, бизнесийн орчинд саад учруулж буй хууль тогтоомж, дүрэм журам, зохион байгуулалтын хүнд суртлыг бууруулах зорилготой хэлэлцүүлгийг Yes Mongolia ТББ-ын Дундговь аймгийн салбар зөвлөл, аймгийн Засаг даргын тамгын газар, Дундговь аймгийн Цахим шилжилт, үйлчилгээний хэлтэс, Хөдөлмөр халамжийн Үйлчилгээний газар хамтран зохион байгууллаа.

Хэлэлцүүлгээр бизнес эрхлэхэд тулгарч буй саад бэрхшээл, хүнд суртлыг бууруулах, хөдөлмөр эрхлэлт болон орлогыг нэмэгдүүлэх боломжийг бүрдүүлэх, орон нутгийн хөгжлийг дэмжих чиглэлээр санал бодлоо солилцов.

Мөн иргэд, бизнес эрхлэгчдэд тулгарч буй саад бэрхшээл, хүндрэлүүдийг тодорхойлж, тэдгээрийг шийдвэрлэх бодит арга зам, хэрэгжүүлэх механизмын талаар санал, зөвлөмж боловсруулан холбогдох байгууллагуудад хүргүүлэх юм.

Хэлэлцүүлэгт төрийн байгууллагын холбогдох мэргэжилтнүүд, бизнес эрхлэгчид, иргэдийн төлөөлөл оролцлоо.