@Дундговь АЗДТГ-ын Санхүү, төрийн сангийн хэлтэс
Агаарын бохирдлын төлбөрийн тухай хууль, Авто замын тухай хууль, Улсын тэмдэгтийн хураамжийн тухай хууль зэрэг зарим албан татвар, төлбөр, хураамжийн тухай хуульд орсон нэмэлт өөрчлөлтийн хүрээнд аймгийн хэмжээнд мөрдөх хуульд заасан зарим агаарын бохирдлын төлбөрийн хэмжээ, автотээврийн болон өөрөө явагч хэрэгслийн албан татвар, авто зам, замын байгууламж ашигласны төлбөр, хуульд заасан зарим улсын тэмдэгтийн хураамжийн хэмжээ, нийтийн эдэлбэр газрын энгийн хог хаягдлыг цэвэрлэх нэгж тариф, энгийн хог хаягдлыг булшлах нэгж тарифын хэмжээг тогтоох тухай тогтоолын төслүүд боловсруулан Төрийн байгууллагын нэгдсэн цахим хуудас www.gov.mn хэлэлцүүлэг хэсэгт байршуулан олон нийтээс санал авч байна.
Захиргааны ерөнхий хуулийн 62 дугаар зүйлд захиргааны хэм хэмжээний актын төсөл нийтийн ашиг сонирхол, хүний эрх, хууль ёсны ашиг сонирхлыг хөндөх тохиолдолд захиргааны хэм хэмжээний актын төсөлд нийтийн санаа бодлыг тусгах зорилгоор хэлэлцүүлэг зохион байгуулж, оролцох боломжоор хангах тухай заасан тул аймгийн 15 сумын төлөөлөл нийт 73 бизнес эрхлэгч, иргэдийн дунд дээрх тогтоолын төслүүдийг танилцуулан, санал авах хэлэлцүүлэг зохион байгууллаа.
