“Хүүхдийн төлөө – ЗА бол ЗААВАЛ хийе” үндэсний хөдөлгөөний хүрээнд Сайнцагаан сумын Хүүхдийн төлөө зөвлөлөөс байгууллага, аж ахуйн нэгжүүдийг хүүхдэд ээлтэй орчин бүрдүүлэхийг уриалсан.
Тус уриалгад 6 дугаар цэцэрлэгийн хамт олон нэгдэж, бага насны хүүхэдтэй багш, ажилтнуудаа дэмжих зорилгоор “Ажилчдын хүүхдийн өрөө” байгуулан хүүхэд аюулгүй орчинд тоглож, амрах нөхцөлийг бүрдүүллээ.
Мөн багш, ажилтнуудын ажлын тав тухыг нэмэгдүүлэх, сэтгэл санаа болон бие бялдрын алжаалаа тайлах боломжийг бүрдүүлж, “Ажилчдын амрах өрөө”-г шаардлагатай тавилга, хэрэгслээр хангасан байна.
