2026 оны улсын төсвийн тодотголоор иргэдийн орлогыг нэмэгдүүлэх, нийгмийн хамгааллыг сайжруулах хүрээнд дараах шийдвэрүүдийг хэрэгжүүлнэ.

1. Нийгмийн халамжийн тэтгэвэр, тэтгэмж нэмэгдлээ

2026 оны 11 дүгээр сарын 01-ний өдрөөс эхлэн нийт 171.4 мянган иргэний халамжийн тэтгэвэр, тэтгэмжийг нэмэгдүүлсэн хэмжээгээр олгоно. Үүнд Нийгмийн халамжийн сангаас 29.8 тэрбум төгрөг зарцуулна.

Тодруулбал:

🔹 Хөгжлийн бэрхшээлтэй иргэдийн халамжийн тэтгэвэр 478,000 төгрөгөөс 600,000 төгрөг болж нэмэгдэнэ.

🔹 Ахмад настан, тэжээгчээ алдсан болон өрх толгойлсон эцэг, эхийн халамжийн тэтгэвэр 432,000 төгрөгөөс 600,000 төгрөг болно.

🔹 Байнгын асаргаа шаардлагатай хөгжлийн бэрхшээлтэй хүүхдийн амьжиргааг дэмжих тэтгэмж 478,000 төгрөгөөс 600,000 төгрөг болж өснө.

🔹 Асаргааны тэтгэмж 330,000 төгрөгөөс 370,000 төгрөг болно.

🔹 Хүнд хэлбэрийн хөгжлийн бэрхшээлтэй хүүхэд асарч буй иргэдийн тэтгэмж 484,000 төгрөгөөс 524,000 төгрөг болж нэмэгдэнэ.

2. Төрийн үйлчилгээний 52 мянган албан хаагчийн үндсэн цалин нэмэгдлээ

Энэ онд цалин нь нэмэгдээгүй байсан төрийн мэргэжлийн болон нийтлэг үйлчилгээний албан хаагчдын үндсэн цалинг 2025 оны түвшинтэй харьцуулахад 50 хувиар нэмэгдүүлэхээр шийдвэрлэлээ.

Ингэснээр нийт 52 мянган албан хаагчийн цалин дунджаар 477,000-903,000 төгрөгөөр нэмэгдэнэ.

Үүнд:

🏥 Эрүүл мэндийн салбарын 28,142 эмч, ажилтан;

🎭 Соёл, урлаг, спортын салбарын 5,707 албан хаагч;

🔬 Шинжлэх ухааны салбарын 1,610 ажилтан;

🛠 Төрийн мэргэжлийн болон нийтлэг үйлчилгээний 16,395 албан хаагч хамрагдана.