2026 оны 10 дугаар сарын 26-ны өдөр Дундговь аймгийн Цагдаагийн газрын даргаар цагдаагийн хурандаа Б.Мөнхбат дахин томилогдлоо.
Тус газрын даргаар ажиллаж байсан М.Чинбат өөрийн хүсэлтээр цэргийн тэтгэвэрт гарсан тул цагдаагийн хурандаа Б.Мөнхбат тус албан тушаалд дахин томилогдож байна.
Б.Мөнхбат нь өмнө нь Дундговь аймгийн Цагдаагийн газрын даргаар ажиллаж байсан туршлагатай бөгөөд ийнхүү албан тушаалдаа эргэн томилогдсоноор аймаг орон нутгийн хэмжээнд хууль сахиулах үйл ажиллагааг хэрэгжүүлэх, гэмт хэрэг, зөрчлөөс урьдчилан сэргийлэх, нийтийн хэв журам хамгаалах, иргэдийн аюулгүй байдлыг хангах чиглэлээр ажиллах юм.
Цагдаагийн байгууллагын үндсэн чиг үүрэг болох иргэдийн эрх, эрх чөлөө, амь нас, эрүүл мэнд, эд хөрөнгийг гэмт халдлагаас хамгаалах, олон нийтийн аюулгүй байдлыг хангах үйл ажиллагаанд амжилт гаргаж, төрийн албаны хариуцлагатай үүргээ нэр төртэй биелүүлэхийг хүсэн ерөөе.
Цагдаагийн хурандаа Б.Мөнхбатад ажил үйлсийн өндөр амжилт хүсье.
