“Оюунлаг Дундговь” дэд хөтөлбөр, сургалтын байгууллагын 2026-2027 оны хичээлийн жилийн зорилтыг хэрэгжүүлэх ажлын хүрээнд Дундговь аймгийн баруун, зүүн бүсийн 14 сумдын 19 ерөнхий боловсролын сургуулиудын мэргэжлийн багш нарын дунд “Өгөгдөл, хиймэл оюун ухааныг ээлжит хичээлд үр дүнтэй ашиглах нь” сайн хичээлийн арга зүй түгээн дэлгэрүүлэх зөвлгөөн Эрдэнэдалай, Гурвансайхан сумдын сургуулиудад 2026 оны 10 дугаар сарын 27–28-ны өдрүүдэд амжилттай зохион байгуулагдлаа.

Зөвлөгөөний зорилго нь бага боловсролын сургалтын шинэчилсэн хөтөлбөрийн хэрэгжилтийг дэмжих, багшийн мэргэжлийн ур чадвар, арга зүй, бүтээлч үйл ажиллагааг хөгжүүлэх, хиймэл оюун ухааныг багшлахуй, суралцахуйд үр дүнтэй ашиглах боломжийг судлан түгээн дэлгэрүүлэх, сургуулиудын хамтын ажиллагааг өргөжүүлэх хэрэгцээ шаардлагад үндэслэснээрээ онцлог байлаа. Арга хэмжээнд баруун бүсийн 9 сургуулийн 90 багш, зүүн бүсэд 10 сургуулийн 120 багш, 95 цагийн ээлжит хичээлийг зааж сайн арга зүйгээ түгээн дэлгэрүүллээ.

Энэхүү арга хэмжээг зохион байгуулахад дэмжлэг үзүүлсэн аймгийн Засаг дарга С.Мөнхчулуун, Эрдэнэдалай, Гурвансайхан сумдын Засаг дарга, бүх ерөнхий боловсролын сургуулийн удирдлагууд, багш нартаа талархал илэрхийлье.