.jpg)
Эрүүл мэндийн салбарын эрүүл мэндийн ажилтнуудын мэргэжлийн мэдлэг, ур чадварыг нэмэгдүүлэх, манлайллыг дээшлүүлэх зорилгоор “Говь-Алтай 80+” эрүүл мэндийн хөтөлбөрийн хүрээнд аймгийн аварга шалгаруулах ажил мэргэжлийн уралдаан зохион байгуулагдаж байна.
Тус уралдаанд сумдад зохион байгуулагдсан бүсийн уралдаан болон байгууллагын ажилтнуудын дунд зохион байгуулагдсан уралдаанд эзэмшсэн мэргэжил, эрхэлсэн ажлын ур чадвараар өрсөлдөн тэргүүлсэн 90 эрүүл мэндийн ажилтан оролцож байна.
Ажил мэргэжлийн уралдааныг нээж Эрүүл мэндийн газрын дарга Б. Туул үг хэллээ.
Нээлтийн үйл ажиллагаанд аймгийн Засаг дарга Г. Чинбат оролцон эрүүл мэндийн салбарт аймгаас зохион байгуулж буй ажлуудын талаар товч мэдээлэл хийгээд, салбарын ололт амжилтуудыг дурьдан, уралдаанд оролцогчдод амжилт хүслээ.