Дэлхийн цэвэрлэгээний өдрийг угтан “World Cleanup Day in 6” уриан дор сурагчид, иргэн аж ахуйн нэгж байгууллагуудын оролцоог нэмэгдүүлэх, байгаль орчны бохирдлыг бууруулах, байгалиа хайрлан хамгаалах зөв дадал, хариуцлагыг төлөвшүүлэх зорилгоор бүх нийтийн цэвэрлэгээ хийлээ.
Арга хэмжээний хүрээнд Хужирт сумын Үүртийн тохойгоос эхлэн Улаанцутгалан, Могойтын гол, Цагаан гол, Орхон голын эрэг дагуу, Онгоцоттой гүүрнээс сумын төв хүртэлх болон хатуу хучилттай авто зам дагуух орчныг цэвэрлэлээ.
ҮР ДҮН:
Томоохон талбай 55 км орчим зам, голын эрэг дагуухыг цэвэрлэлээ.
3 портер, 3 хог тээврийн авто машинаар нийт 21 тонн хог хаягдал цуглуулан хог хаягдлыг нэгдсэн хогийн цэгт төвлөрүүллээ.
Цэвэрлэгээнд Хамгаалалтын захиргааны мэргэжилтэн, байгаль хамгаалагчид
Бат-Өлзий сумын Ерөнхий боловсролын 1, 2 дугаар сургуулийн 8–12 дугаар ангийн 250 сурагчид, нийгмийн ажилтнууд болон боловсролын байгууллагын төлөөлөл идэвхтэй оролцсон юм.
🤝 Арга хэмжээг хамтран зохион байгуулсан байгууллага, аж ахуй нэгж, иргэд:
Бат-Өлзий сумын Засаг даргын Тамгын газар
Бат-Өлзий сумын Сум дундын ойн анги
Бат-Өлзий сумын Хот тохижилтын алба
“Их Сумт Хайрхан” ХХК
“Их Дөлгөөн Хангай” ХХК
“Хансэнтийн” ХХК
“Гэрэлтүшиг” ХХК
“Хүрхрээ тур” жуулчны бааз
“Бөөрөг” жуулчны бааз
“Орхон Түшээ” жуулчны бааз
“Орхон” жуулчны бааз
“Хөсөг тур” жуулчны бааз
“Хүрмэн чулуу” нөхөрлөлийн гишүүд
Иргэн Р.Сайнбаяр
Иргэн Ч.Пүлжиндорж
Иргэн Д.Оюунчимэг
“Цэгээн Хангай Зам” компанийн захирал Ч.Мандахбаяр
🌱 Энэхүү арга хэмжээ нь байгаль орчны бохирдлыг бууруулахын зэрэгцээ хүүхэд, залуучуудад байгалиа хайрлан хамгаалах, хог хаягдлыг ил задгай хаяхгүй байх, орчны цэвэр цэмцгэр байдлыг эрхэмлэх зөв дадал хэвшүүлэх, эх дэлхийдээ хариуцлагатай хандах хандлагыг төлөвшүүлэхэд чухал ач холбогдолтой боллоо.
Орхоны хөндийн Улсын тусгай хамгаалалттай газрын Хамгаалалтын захиргааны зүгээс хамтран ажилласан та бүхэнд чин сэтгэлийн талархал илэрхийлье.
🌿Иргэн бүр байгаль хамгаалагч байж, хамтдаа Байгалиа хайрлая
