Монгол Улсын Ерөнхий сайдын “Чөлөөлье” үндэсний санаачилгын хүрээнд нийгмийн хөгжил, төрийн үйлчилгээ, бизнесийн орчинд тулгарч буй саад бэрхшээлийг тодорхойлох, тэдгээрийг шийдвэрлэх санал, санаачилгыг нэгтгэх зорилготой хэлэлцүүлэг зохион байгуулагдлаа.
🔹Тус хэлэлцүүлэг нь иргэд, бизнес эрхлэгчдийн хөдөлмөр эрхлэх, үйл ажиллагаагаа өргөжүүлэх, орлогоо нэмэгдүүлэх боломжийг хязгаарлаж буй хууль тогтоомж, дүрэм, журам болон зохион байгуулалтын хүндрэл, хүнд суртлыг тодорхойлоход чиглэж байна.
Мөн орон нутагт тулгамдаж буй асуудлыг шийдвэрлэх бодит арга хэмжээ, хэрэгжилтийн механизмыг тодорхойлж, иргэд, бизнес эрхлэгчдийн санал, санаачилгыг холбогдох байгууллагад хүргүүлэн, бодит үр дүнд хүргэхийг зорьж байгаа юм.
