Монгол Улсын Засгийн газрын 2019 оны 204 дүгээр тогтоолоор 11 дүгээр сарын хоёр дахь долоо хоногийн Ням гарагийг “ХӨДӨӨ АЖ АХУЙН АЖИЛТНЫ ӨДӨР” болгон тэмдэглэж байхаар тогтоосон байдаг.
Тус тэмдэглэлт өдөр нь хүнс, хөдөө аж ахуйн салбарт хүчин зүтгэж буй хүн бүрийн эзэмшсэн мэргэжил, эрхэлж буй ажлаараа бахархах, үлгэрлэн таниулах, түүчээлэн өвлүүлэх бахархалт өдөр юм.
Энэхүү тэмдэглэлт өдрийг угтаж, хөдөө аж ахуйн салбарын ажилтан, албан хаагчдын дунд болон нийгэмд чиглэсэн арга хэмжээнүүдийг зохион байгуулахаар төлөвлөн ажиллаж байна.
Энэ удаад байгууллагын албан хаагчдад Монголчуудын уламжлалт идээ, ундааны соёл болон орчин үеийн хоол зүйн шинжлэх ухааны мэдлэгийг хослуулан, өөрийн болон гэр бүлийнхээ эрүүл мэндийг хамгаалах, хоол хүнсээ зөв сонгох, хадгалах, зохицуулан хэрэглэх дадлыг амьдралын хэвшмэл соёл болгон төлөвшүүлэх зорилгоор аймгийн Эмэгтэйчүүдийн холбооны “АНЗААРАХУЙ, ДАДУУЛАХУЙ” сургалтын хөтөлбөрийн хүрээнд “ИДЭЭ УНДААГАА ЗӨВТГӨХҮЙ” сэдэвт сургалтыг тус газрын Үйлдвэр, худалдаа, үйлчилгээний хэлтсийн дарга Ц.Ариунаа зохион байгууллаа.
